Karrasky Koggokonna Kohhus Jusal sel 11.al Februar 1877.

Tulli ette Ann Kanzler (wöörmünder Johan Kanzler) ja kaibas et pühhapäiwa õdango sel 23al Januaril s.a: arwata kesk ö ajal, tulluwa Mäe Jusa tallole 3. meest, üts ollnu Johan Mandli, teine Johan Waltson ent kolmandat es tija temma üttelda kes om ollnu, sest üts küll neide seast om tikkuga tuld ülles wõttnu, enge teine om ruttu ärra kistotanu, ja sis om üts sängi lännu temma mannu, ja küssinu anna mulle üts waikenne kõrd, sis osta minna sulle ütte rätti, kiskno latse rinna otsast ärra, lahknu hamme jakko, ja Undriko opis katski, ja kisknu temma kindso werritses, agga kes om ollnu, es (tija) ütle temma mitte teedwat, ja nõuudis omma kiskmisse, ja heiditamisse est rohho rahha (300.) kolm sadda rubla. Et om õige woiwa tunnistada, kohtomees Jakob Uibo, ja temma naine Maie Uibo, kellel minna omma reiwa, ja ihho olle näidanu. 

Kutsuti ette Johan Mandli sai kaibus ette loetus, kes selle päle ütles, meije ollime pühhapäiwa õddango Ihhamarro kõrtsin, sääl olli ka Mäe Jusa rentnik Michel Kerner, saime juttu pääle et mes sa tahhat kui wiit meid koddo, Tiggase Tallole hobbesega, korter wiina olli wastus, sis saime konni Mäe Jusani, Michel Kerner läts tarre ehk sisse, nink et meije es tahha wäljan ota, sis lätsime meije ka, nimmelt minna, Johan Waltson, nink Johan Wähk olli se kolmas, ka kambre, woip olla et sis Johan Wähk tedda kiidsotas, ent minna tedda mitte es puttu. 

Kutsuti ette Johan Waldtson sai kaibus ette loetus, kes wälja ütles nidasamma kui Johan Mandli.

Kutsuti ette Johan Wähk sai kaibus ette loetus, kes eddimalt koggoniste ärra salgas, ent wiimate kui saiwa katz tunnistust ette loetus, sis jäije waik, nink es wastotake küssimisse pääle. 

Kutsuti ette küüdimees Michel Kerner, ja sai küssitus kuis too assi õigede om ollnu, kes ütles minna olli tookõrd opis purjun ei tija ka middagi üttelda, ni paljo om minnol meelen, et katte Johan´iga olli kaup tettu, ja neid piddi minna koddo wiima, ent, et kolmas Johan Wähk ilma minno teedmatta ka perra pääle olli karranu, kelle läbbi nüüd suur pahhandus om tullnu, sedda es tija mitte, kui tedda ei olles ütten tullnu, ei olles meil middagi hätta ollnu. 

Sai weel kohtomees Jakob Uibo käest küssitus reiwaste ja Ihho kiskmisse perrast, kes ütles, Reiwa ollu ni lahhutu kui ülles antu om, neid olle minna essi nännu ehk kaenu, nink temma kindso om minno naine kaenu, et ollnu küll krammitu. 

Otsus   Kohhus moistis eesmalt, et Johan Wähk kiige suuremb süüdlanne tunnistusse perra, saap 30. kibbedat witsa lööki, teiselt küüdimees Michel Kerner saap ka 30. witsa lööki, ehk massap 6. rubla selle, et mitte õkwa koddo es wii leppitu paika, nink Jusale sisse läts, nink Johan Mandli kui ka Johan Waldtson, massawa kumbki 2. rubla waeste Laati trahwi, selle, et wõerade maija maggamisse ajal sisse lätsiwa, ja lassiwa säärast tempo tetta. 

Sai kohtomoistminne ja § 772. nink 773. kohtonkäüjatel ette loetus, ent Anne Kanzler, Michel Kerner nink Johan Wähk, es ollewa rahhul, et arwassiwa hendal liiga tettu ollewat, nink pallelsiwa hendal Protokolli, mes kohhus ka lubbas anda. -

(L.S) Protokoll wälja antu sel 17al februar 1877.

                                                                                         (Allkirri)