Kohto ette tulli Woldemar Luik ja kaiwas, et temä pois Mihkli Wars Tilsist ollew temä teenistusest sel 4. Juulil s.a. ärä lännu, ilma et temä kellegile sõnna oles lausnu et temä ära minna tahab. Palleb kogokonna kohut sääduse perrä mõista temäle Mihkli Wars käest, leppitu palk 25 Rbl. ja 1/3 wakamaad linna 10 Rbl. kokko 35 Rbl.

Pääle selle ollew pois weel, ei tiia kas ära kaotanu, ehk hendaga ütten wõtnu 1 paar taossid 1 Rbl. 50 ko. 1 köüds 50 kop. üts kirwes 75 kop. ja üts hame 1 Rbl. wikkat 75 kop. kokko 4 Rbl. 50 kop.

Mihkel Wars /m.s. J. Wars/ kutsuti ette, ja kui tälle kaibus ette loeti, sis wastutas, seesama et temä ollew  sel 4. Juulil W. Luiga käest tööd küsinu, kes wastudanu et, kae kost weel saat haino wedada.

Ent taosse jäänu adra pääle,  kon temä kündman olnu, wikkati pandnu temä kartehe, kon wikkati allati ollew olnu, köüds ollew rehe alt nagla päält ära kaonu, kirwes ei tiia kohe jäänu ja hamet lubab temä W. Luigal tagas tuwwa.

Aasta palka ei luba temä selleperäst massa et W. Luik ei olle tälle tööd andnu.

W. Luik wastut selle pääle, et tema ei ollew mitte tööd keelnu, enge ristikhaino wedama ehk riibma minna käsknu.

Otsus: 

kogokonna kohus arwas otsuses et M. Wars massap oma peremehe W. Luigale aastapalk 35 Rbl. ja neide kaotedu asju eest 350 kop wälja selle et oma lubaga ärä läts. 

Kui kogokonna kohtu utsos ja säädus §§ 773 ja 774 mõlem kohto käüjile saiwa ette loetus, sis es ole M Wars sellega mette rahul enge pallel oppus lehte wälja mes tälle ka es keeldä.