Michel Mäesep Windso kõrtsimees kaibas kohto een, et Asso Goista om 28 Aprillil tee teggemisse aig Windso kõrtsin 1/2 toopi wina wõtno, ja om illusti ärrä masno, ja sis om kõrtsimehhe käest puddelid pallunud kus kõrtsimees winä sissi om wallanud, ja ilma korgita puddeliga selle winä wäljä winud, kui körtsimees om ootno ja puddel taggasi ei olle tudo om temmä wäljä länno ja om küssinu om teised üttelno et se mees läks puddeliga ärrä, sis om kõrtsimees hobbest palgano Räppinä mees Gustaw Pösingigä, ja om omma pallo moisa piri ülle ärrä söitno Werriorra maa päle sis om sääl tee pääl een olno Sawa Meno, ja Wassil Menow, nink ei olle laskno mitte kõrtsimees Michel Mäeseppä mödä sõita ni kui Michel Mäesep möda om tahtno sõita om sis kohhe Sawa Meno nink Wassil Menow omma hobbese wankrega risti te päle ette tõmmano, ja kui Mäeseppä hobbene om josno ja om kohhe krawi kige wankrega ümber länno kus kõrtsimees ja Josep Pabusk krawi wankre alla om länno. Ja kõrtsimees ütleb et temmä peab omma terwisest sandis wõi wallale sanod.

Päle selle kui nemmäd krawist ülles om tulnowa om nemmäd Musta Oja kõrtsimanno lännowa, ja sääl ollewa maja perremees Peep seltsi pallelno ja om seddä puddelid Räppinä mehhe käest küssinu, agga se mees ei olle puddelid ärrä andno.

Kaiwatawa ja Tunnistajade perräst jääp polele 21 Maini.