Karrasky Kogokonna Kohhos Jusal sel 25 Februaril 1877

Tulli ette Tinno tallo poolemaa rentnik Kristjaan Piir ja kaibas, et perrisommanik Jürri Paales om temmale Jakopi päiwal se om sel 25 julil 1876 ülles andno, et peap een tullewal Jürripäiwal 1877 ommast Majast wälja minnema, ja ütles hoone olle minna ehhitanno Kiwwi olle ma kokko korjano, Jürri Paales piddi Matterial manno weddama todda ei olle temma ka mitte kiik ärra teütno

Edimätse ajastaja piddi Kartohwlimaa sitta pooles saama ni paljo kui Jürri Paales olles weddano, piddin minna ka saama, enge es sa mitte üts koorma, Johann Loodus käest ostsin minna 18 koormat sitta, ni samma ka sitta maa nink massin tolle eest 9 rubla mes mull sukkuki es prugi tetta ennegi Jürri Paales lubbas mulle Röas sitta rohkemb anda enge mitte es anna, nüüd nõwwan minna et om 3 ajastat enne minno Kontrakti aja lõppetust ülles andno, omma kahjo 150 Rubla Jürri Paales käest. 

Kutsoti ette Jürri Paales ja sai temma rentnik Kristjaan Piir kaibus ette loetus kes ütles eesmalt, minna ütli temmale tolle perrast ülles et mitte 2 aastat Termin päiwas mulle renti ärra es massa, tõiselt tolle perrast, et nüüd 3 aastat mulle 65 rubla renti massis ja perrämatse kolme aasta eest piddi K. Piir mulle 80 rubla renti masma, ja temma mulle joba mitto kõrda essi ütles et 80 rubla minna sulle küll ei massa, mes minna sis piddin teggema.  Toiselt ja kolmandalt ütles piddi temma Kontrakti leppingo perra teütma, tolle eest olle ka kolm eddimäst ajastaiga 15 rubla renti odawamp leppito. 

Neljandalt ütles Jürri Paales olle minna Matterial kiik täwweste manno weddäno, et temma ossast palke om ärra pallotanno, tolle ülle wõin minna tunnistajat ülles anda. - Wiejendält utles J. Paales minna es keela teddä mitte kartohwlimaa sitta wedämast, päälegi es olle minna tol päiwal suggoki kotton kui temma sitta weddäsi, kuis ta todda wõlsi wõip kõnnelda. 

too om ennegi üts kiosto ajaminne, mes temma sis warsti minno pääle es kaiba ja nüüd tullep kolme ajastaja perrast kaibama. 

Kuwenda kaibuse punkti pääle ütles Jürri Paales egga minna tedda es kässe sitta osta, om temma ostno sis om temma ka essi tolle osteto sitta paalt omma saagi saano ni samma ka sitta maa päält, nink ütles weel temma om ka 1/3 wakkama Jakop Wõssol, ja 1/3 wakkamaa nink üts wäikenne tük hainamaad Tannil Kantsikul wälja rentno linnas mes minnost obis ärra olli keelto. 

Otsus  Kohhos moistis kiiki neid kaibusse punkte obis tühjas eesmält selle perrast et termin päiwas ei olle renti ärra masno, om temma essi süüdlanne, tõiselt om Kristjaan Piir ka kogokonna kohto een essi omma suuga üttelno et 80 rubla renti minna küll ei massa, nink Kontrakt kässep kiki neid punkte teüta ja piddada, mes temma ka ärra tunnistas et om risti omma nimme taade tõmmano.

Sai kohto otsus ja § 772 ja 773 kohton käiadelle ette loetus ent K. Piir es olle rahho pallel Protokolli mes kohhos ka lubbas anda.

LS                                             Alla kirri nago üllewal.

Protokoll wälja anto sel 28 Februaril 1877.