Wilip Timofei kuid monkof Peterburgi kubbermangust Ossatna külläst kaibas kohto een, et temmä om ostno 3000 wakka kartowlid Räppinä wallast Peter Songe käest ja Peter Songe om issi kontrahi perrä piddäno neo kartowled Ossatna küllässe ärrä wimä, tärklisse Wabriko päle.
1375 wakka om Peter kartowlid ärrä winud, agga 1625 wahhe kartowlid om Peter Songe koggoni wimätä jättno. Et Peter Songe kartowlid ei olle winud pallub nüüd Wilip et kohhus Peter Songet sunnip neid pudusse kartowlid ärrä wimä. Selle aia sissen mis Peter ei olle kartowlid winud om temmä wabrik saisma jänud Aprilli kuu eest saismisse perräst om temmä kahjo sanod 175 Rubla. Ja kui Mai kuul kartowlid ei tu massap jälle Peter Songe 175 Rubla Wabriko saismisse kahjo.
Peter Songe käest sai küssito üttel temmä, et 3000 wakka päle om kaup tetto ja 1349 wahhe om kartowlid ärrä weeto. Agga et Wilip kartowlid ei olle wasto wõtno ei olle temmä kartowlid wõino wijä. Ja Wilip om lubbano issi neid kartowlid wijä mis wimätä om selle perräst et temmäl talwel kohhegil panda es olle. Ja Wilip om kartowled lubbano issi Lodjaga wijä.
Karl Punsow tunnistas et temmä om kulu kui Wilip om lubbano Lodjaga kartowlil perrä tulla.
Gustaw Kissand tunnistas kulu, kui Wilip om lubbano Lodjaga kartowlil perrä tulla Räppinäle wõi Meeksis kos kartowle sada ennegi om.
Jakob Zernask tunnistas ka kulu kui Wilip om Lodjaga lubbano kartowlil perrä tulla Meeksist Räppinäni.
Wilip üttel et temmäl ei olle keddägi kartowlid winud, Selle perräst ei olle temmäl kartowlid wasto wõtta olno. Lodjaga ei ollewa temmä issi mitte lubbano kartowlid weddädä.
Wassili Sergei tunnistas kulu kui Wilip om üttelno et kartowlid ärrä togo et kohhegil panda ei olle. Wassilil ja Wilipowil ollewa kartowled ütten olno osteto. Wassil Sewrgei tunnistas et 700 wakka om Wilipil kartowlid ja Wabrik ei ollewat mitte saisno.
Kohhus mõistis, et Peter Songe peab neid pudusse kartowlid Wilipil ärrä andma ni kui tunnistedo om, ja Peter peab keik kartowlid Järwe weerde widdamä kus hõlpsamb om Ja Wilip peab issi omma Lodjaga kartowled Ossatnas ärrä wimä. Ja kui kartowled om ärrä weeto peab Wilip rahha Räppinä kohto kätte ärrä masma kust Peter kätte saap.
§773 om ette kulutedo
Mõllemba pallusiwa prottokoli kaibaja ka kaiwatas.
Ütten selle prottokoliga om nelli kontrahti kaks maa ja kaks wennekeli.
ütten om ka Oppuse leht
Wilip Timofei kuid monkof Peterburgi kubbermangust Ossatna külläst kaibas kohto een, et temmä om ostno 3000 wakka kartowlid Räppinä wallast Peter Songe käest ja Peter Songe om issi kontrahi perrä piddäno neo kartowled Ossatna küllässe ärrä wimä, tärklisse Wabriko päle.
1375 wakka om Peter kartowlid ärrä winud, agga 1625 wahhe kartowlid om Peter Songe koggoni wimätä jättno. Et Peter Songe kartowlid ei olle winud pallub nüüd Wilip et kohhus Peter Songet sunnip neid pudusse kartowlid ärrä wimä. Selle aia sissen mis Peter ei olle kartowlid winud om temmä wabrik saisma jänud Aprilli kuu eest saismisse perräst om temmä kahjo sanod 175 Rubla. Ja kui Mai kuul kartowlid ei tu massap jälle Peter Songe 175 Rubla Wabriko saismisse kahjo.
Peter Songe käest sai küssito üttel temmä, et 3000 wakka päle om kaup tetto ja 1349 wahhe om kartowlid ärrä weeto. Agga et Wilip kartowlid ei olle wasto wõtno ei olle temmä kartowlid wõino wijä. Ja Wilip om lubbano issi neid kartowlid wijä mis wimätä om selle perräst et temmäl talwel kohhegil panda es olle. Ja Wilip om kartowled lubbano issi Lodjaga wijä.
Karl Punsow tunnistas et temmä om kulu kui Wilip om lubbano Lodjaga kartowlil perrä tulla.
Gustaw Kissand tunnistas kulu, kui Wilip om lubbano Lodjaga kartowlil perrä tulla Räppinäle wõi Meeksis kos kartowle sada ennegi om.
Jakob Zernask tunnistas ka kulu kui Wilip om Lodjaga lubbano kartowlil perrä tulla Meeksist Räppinäni.
Wilip üttel et temmäl ei olle keddägi kartowlid winud, Selle perräst ei olle temmäl kartowlid wasto wõtta olno. Lodjaga ei ollewa temmä issi mitte lubbano kartowlid weddädä.
Wassili Sergei tunnistas kulu kui Wilip om üttelno et kartowlid ärrä togo et kohhegil panda ei olle. Wassilil ja Wilipowil ollewa kartowled ütten olno osteto. Wassil Sewrgei tunnistas et 700 wakka om Wilipil kartowlid ja Wabrik ei ollewat mitte saisno.
Kohhus mõistis, et Peter Songe peab neid pudusse kartowlid Wilipil ärrä andma ni kui tunnistedo om, ja Peter peab keik kartowlid Järwe weerde widdamä kus hõlpsamb om Ja Wilip peab issi omma Lodjaga kartowled Ossatnas ärrä wimä. Ja kui kartowled om ärrä weeto peab Wilip rahha Räppinä kohto kätte ärrä masma kust Peter kätte saap.
§773 om ette kulutedo
Mõllemba pallusiwa prottokoli kaibaja ka kaiwatas.
Ütten selle prottokoliga om nelli kontrahti kaks maa ja kaks wennekeli.
ütten om ka Oppuse leht
