Tõiselt tulli ette herr Otto Tarrask Kiedjerwelt omma welle Anton Tarrask assemel ja kaibas et Jaan Sirach temma welle käest om 152 Rubla wõlgo wõtno ja Heinrich Sirach omma nimme alla kirjotanno, ja lubbas tolle eest wastotada, kui essa Jaan Sirach mitte ei jõwwa ärra massa, ja pandis üts wõlla täht sest 1 Oktobrist 1872 kohto lawwa pääle ja nõudis nüüd protsentiga ütte kokko 191 rubla Jaan ehk Heinrich Sirach käest et peäwa arra masma.

Kutsoti ette Jaan ja Heinrich Sirach sai üllewanne kaibus ette loetus kos selle pääle Jaan Serach utles, kuis wõip welli welle eest kohhot käwwa, mull om Anton Tarrask käest 45,rubla saada, ja essi weel mes temma essa Peter Tarrask käest 68 rubla 80 kop ütte kokko 113 rubla 80 kop, ja minna ütli mitto kõrd Anton ni samma ka temma essa Peter Tarraskil et konnas meie rechnung ärra peäme. sis ütles iks Anton Tarrask mulle et tollega om meil jo aiga küljalt. Kui meil ütstõisega teggemist ei olles olno, ei olles sis Anton Tarrask wõtno kannatada pääle se woin minna ka tunnistust ülles anda, meie ollime A Tarraskiga Walgjerwe Keebi tallon Karli Jarsi pool, sääl tulli meil kõnne ette, minna ütli teie perräte essa warranduse enge kes essa wõlla massap, tolle pääle üttelno A Tarrask kui sinnol 500 Rubla minno essa käest saada om, todda kiik tahhame meie ärra massa kui sinna ennegi wandega tõttes teet, kui paljo minno essal sulle massa om, nüüd annan minna ülles mes mull Anton Tarrask käest saada om. 

Temma essa Peter Tarrask käest kes nüüd Jummala kohto een om

hää meelega ilma et weel kohhot waiwame temma rahha ärra massa. 

Sai jälleki Anton Tarrask assemnik temma welli Mamotja herr Otto Tarrask kohto ette kutsotus ja Jaan Sirach wasta Rechnung ette loetus, kes selle pääle ütles, se ei putto mulle middäga ne nõudmisse omma kiik ennambast pääle kümne aasta wanna, päälegi ei olle selle ülle üttegi leppingot tetto, Jaan Sirach pandko egga punkti pääle kuu ja ajastaja arw, küll minna sis massan, ent essa wõlla tohheme häämeelega kiik massa kui Jaan Sirach agga todda omma ülles antut nõudmist wandega tõttes teep. 

Otsus   Kohhus moistis et Heinrich Sirach peap sedda rahha kos omma nimme om alla pandnu 152 Rubl ja utte aasta protsent 10 Rubl se om 162 Rubla kattesa päiwa sissen omma essa eest ärra masma ja Jaan Sirach wõip omma wõlla ülle kaiwata, ent O Tarrask nõudmisse perra se puduw protsent e sa selle perrast mitte arwatus, et kui termin päiw mööda olli woino A Tarrask warsti kaibata, sest Heinrich Sirach om ennegi ütte aasta eest käemees olno. 

Sai kohto Otsus ja § 772 - 773 kohton käiadelle ette loetus ent mõllemba es ollewa rahho. Maamootja herr O. Tarrask selle perrast et mitte kiiki protsente ei olle arwato.  Nink Heinrich Sirach selle perrast et temma essa olla rahha wõtja ja ei olle mitte wasta Rechnungi wasta wõeto   pallelsiwa Protokolli mes kohhos ka lubb                                                                                        Pääkohtomees Jaan Tullos  XXX                                                                                                                 

      Kohtomees  Jaan Leppason  XXX 

 abbi         do          Johann Raig  XXX

LS.

Protokoll wälja anto sel 4dal Märtsil 77