Kohto een kaiwas Jaan Hindoala naine Mai /m.s. tema mees/, et pühäpäiwäl ajanu Nüpli Jüri karjusse temä maa pääl elajä temä lännü neid karjussid keelma, et na eläjid temä ma pääle es lases ja tahtnu eläjid ärä ajada, kuna sis Mai Asi hõiganu: "Aadam tule wälja, joba kuradi lits aja eläjid wälja." Pääle selle tulnu Aadam Asi mõtsast wälja ja löönu tedä kannu pääle maha; Mai Asi löönu nuijaga temäle käe pääle, nii et temä käega enamb midagi ei ole wõinu tettä.

Jüri Wiga tunnistas, et temä ollew nännu, et Nüpli Jüri elaja olnu Hindoala maa pääl ja Hindoala naine Mai lännu neid elajid ärä ajama. Kuulnu et Mai Asi ollew Mai Hindoalat kõiges sõimanu ja Aadam Asi ollew löönu Mai Hindoalat.

Otsus: Et Aadam ja Mai Asi kohto es ole tulnu jääs kohto mõistmine tõises kohto päiwas.