Kohto ette tulli wenelale Michael Kondratjew ja kaiwas, et Tiina Juur ollew temä suurt jako Saksamaa kana munne warastanu ja lasknu oma kana al wälja haudu. Pallep kogokonna kohut Tiina Juurt sundi, et see temä kana munadest hauto kanapoja temäle kätte annas ja warguse eest T. Juur trahwitadus saas.

Tiina Juur /m.s. Aadam Jaho/ wastutas selle kaibduse pääle, et temä neid kana munne warastanu ei ollew, enge weneläse tütrik ollew temäle 5 kana munna wahetanu tema oma kana munne wasto.

Wenelase tütrik Maarja Iwanowna /m.s. P. Sik/  wastutas; et temä ollew kül Tiina Juurele 5 kana munna andnu omast jaost, mis temä peremees Michael Kondratjew temäle keeta ollew andnu, midä temä aga mitte ärä ei ollew keetnu.

Wenelane M. Kondratjew ütles weel, et temä tütrikule kunagi keetma munne ei ollew andnu, mõnikõrd kül keedetu munne.

Otsus:

Wenelase kaibdus saap tühjas arwatu selleperast et selle man üttegi tunnistust ei ole, kas temä tütrikule keetmata munne om andnu, ehk mitte ja Tiina Juur jääp ka süüst priis, selleperast et tema mune wahetanu ollew.

Kui kogokonna kohto otsus ja Sääduse §§ 773 ja 774 kohtun käüjile ette saiwa loetu, sis pallel Michael Kondratjew protokolli wälja mis temäle ka lubati.