Teiselt,   Tulli ette Michel Herne Wannast Pigastest ja kaibas, et temma tullnu Karrasky meestega, nimmelt, Jusa maja perris ommanik Jakob Uibo, nink temma rentnik Jaan Läwwi Tartust ütten seeni kui Kükka kõrtsi mannu, sääl ollewa Jaan Läwwi temma Lentsi (Schleie) mes Liinast ostnu ärra warrastanu, ent ei olle teednu enne kaeda kui kottun omman majan sääl leidnu waja, ja pandnu warsti teise hobbese ette, nink tullnu taggasi Lentse otsma, tullnu neide maija, ent neid ei olle, weel kottun ollnu, sis sõitnu Tee pääle wasta, ja trehwnu neid Ihhamarro ja Allamusti Kõrtsi wahhel Pallon, nink leidnu omma wastse Lentsi Jaan Lawwi Ree, ehk Saanist, nink neid leiden wõtnu Jaan Läwwi omma Karrutse Õlli puddeli ommast saanist, ja tahtnu temmal (Michel Herne´l) lüwwa, üttelden kas sinna tahhat minna löö sinno surma unne sisse, tunnistada woiwat temma sullane Jaan Wock, ja pallel kohhut sedda asja selletada, ent kahjotassomist es nõwwa middagi. 

Kutsuti ette Jaan Läwwi sai kaibus ette loetus kes selle pääle ütles, meije tullime küll Tartust seeni kui Kükka Kõrtsi mannu ütten, ent se olli teine päiw enne sedda, naksime ämmariko aigo Kolga Kõrtsi mant tullema, isteme eggaüts omman Saanin, minna sõidi een, Michel Herne minno takkan, ja Jakob Uibo kiige takkan, nüüd olli Michel Herne omma Kübbar ärra kaotanu, ja karranu omma sSani päält mahha nink lännu taggasi Kübbarat otsma, ja hobbene seitnu minno takkan ilma mehheta eddesi, egga minna es tija taade kaeda, enge sõidi omma sõitu eddesi, üts kõrd kaije taade, nink näije, et hobbene ilma mehheta minno takkan soidap, minna piddasi omma hobbene kinni, ja lätsi Saani mannu kaema leisi meest ei olle, Saani pää kik ärra lahhutu, asja ja kraam paljalt Saanin, sis wõtti minna temma kraam kik temma Saanist, ja panni omma Saani, sest minna peljassi et ilma mehhetu laggunust Saanist wõip peagi middagi ärra kadduda nink sõitsi seeni kui Liiwa kõrtsi, sinna jäime ööses ent Michel Herne, olli jälle omma kraam, ilma minno mann ollematta, wõtnu minno Saanist, ja pandnu omma Saani taggasi, woip olla et temma essi no Lentsi minno Saani sisse jättis purjun ollime kik, kui minna olles no Lentsi warrastanu, sis olles minna nemma jo Tee pääl ärra müünu ehk kohhe taht ärra käkkinu, woi kõrwale pandnu, Löömisse ähwardamist ei mälleta sukkuki, sest minna olli purjun häste, Sedda woip selgembaste tunnistada meije seltsimees Jakob Uibo.

Ent nüüd palle minna ka Kohhut omma wasta kaibamist allandlikkult kuulda wõtta, kui nimmelt meije käisime Allamusti kõrtsin sissen, ja sääl olli minno rahha 32 rubla allale, ja kui Michel Herne tee pääl wasta tulli, nink nakkas minno purjun innemist sinna ja tänna rümma süggawa lummega, nüüd olle minna kahju saanu, ja se rahha 32 rubla ärra kaotanu, woi omma nemma, Michel Herne, ehk temma poiss Jaan Wock wõtnu, ei woi kuiki üttelda, kui ennegi minnol om kahju saanu se om tõtte kui temma ei olles mitte kiskmisse wiisi Tee pääl minno purjun innemist mitte kisknu, minnol olles se kahju ollematta ollnu, päälegi tahtse temma poiss minno roodli puuga lüwwa, sedda woip tunnistada Jakob Uibo, ülle kiige mes minnoga om tettu ja sündinu, ja pallel kohhut et omma kahju kätte saas. 

Kutsuti ette Michel Herne poiss Jaan Wock sai Jaan Läwwi kaibus ette loetus, kes selle pääle ütles, minna es sa omma Saani päält sukkuki mahha, Saiba murdmist ehk roodliga ähwardamist ütles opis wõltsi ollewat, ent et Jaan Läwwi, Michel Herne´t tahtnu Olle pudeliga lüwwa ollewa õige  Sõnnutellemist es panne minna tähhele. 

Sai seltsimehhe Jakob Uibo käest küssitus selle asja perrast, kes ütles kik niida õige ollewat olnu, kui Jaan Lawwi ollewa kõnnelnu, ent rahha asja perrast ütles ka õige ollewat, temma käinu ka Allamusti kõrtsin sissen, kos Jaan Läwwi´l se rahha ütlemisse perra, temma silmi nätten allale olnu, kos temma wiimate jäänu ei woiwat temma middagi üttelda, puddeliga löömisse ähwardamist es panne minna mitte tähhele woip olla agga silm ei olle nännu, nink todda sõnna, surma unne sisse ei olle minna ka mitte kuuldnu, ent et Michel Herne poiss Jaan Wock Saibast tahtse murda, ent es murra, sis wõttis aija päält roodli nink ähwardas Jaan Lawwi´l lüwwa, ent es löö mitte, se om kik ni oige kui minna olle üttelnu ja nännu. 

Otsus  Kohhus moistis, et Michel Herne, om lännu täüs purjun innemist awwalikkult suure tee pääl kiskma ja rümma,  nink ei olle parrajat paika, woi kõrtsi ootnu, olgo küll et temma Lentsi Jaan Läwwi Saanist leidis, woip ka olle et Michel Herne essi jättis woi unnetas Jaan Lawwi Saani ne Lentsi, ehk kui leidis, wõtnu omma, ja tulnu omma teed, nink ärra nakkanu middagi muud ennamb sääl  teggema ehk kiskma, massap Michel Herne, Jaan Lawwi´l, pool sest kaddonust rahhast, se om 16. rubla kahju tassomist mes 8sa päiwa sissen ärra massetu peap ollema.

Sai kohtomoistminne ja § 772 n. 773. kohtonkaujatel ette loetus, ent Michel Herne es olle sellega rahhul, et arwas hendal liiga tettu ollewat nink pallel Protokolli mes kohhus ka lubbas anda. 

(LS)                Karrasky Kohtomajan sel 11al Marz 1877.

Protokoll kohto sadetu                          Eenistja, Jaan Tullus  XXX

sel 16al Marz 1877.                                   Mannistja, Jakob Uibo  XXX

                                                                   Mannistja, Jaan Leppson  XXX