Kui walla perremehhed kokko olliwa kutsutu ja kihhelkonna kohto kässo päle, Tohtre maja palgi widdämisse rahha sai küssitu, sis tossi arwato 30 walla perremehhe saas walla wannemba ja kohto teotaminne, ja keddägi es lubba mitte seddä masso tadre päält massa, ja tahtsiwa hengi päle masso sädä, nink et walla wannembal wõimalik seddä lubba anda es olle, ja kohto polest sai kulutedo riismist, kes massa ei tahha, Ja ni samma olliwa neo perremehhed tulle kassa masso perräst kokko aeto, kui neo kes omma massud es lubba massa, ja jõu kaupa wasto lubbasiwa panda, üttel perremees Wido Konsap, keik ommawa kohto mehhed ja walla wannemb, säeto, keik ommawa mõisnikke poolt, tulge riismä ma kaen kas saibit om, ni samma üttel Peter Songe et ükski minnu usse aida ei tohhi tulla. Nink Jakob Zengow üttek ja ni samma, et temmä rahha ei massa ja riiso ka ei lasse ja ei tohhi keäki, Johann Wössoberg üttel et Wallawannemb om mõisnik saisap Sakste pole.

Ja kige wimäti astus Mik Pärkson ette, ütte wäegä immelikko teotamisse wihhaga walla wannemba wasto, teotas ja laimas walla wannembat kohto lauwa een, kigesuggumisse sannadega, ja üttel seddä kohto maja hendäl ollewa, ja et walla wannemb temmä teender om, ja sääl majan middägi ei tohhi tettä, ja üttel walla wannembat walla ärritäjä ollewad, ja laot omma kässi ja jalgo kohto lauwa een, ja üttel ilm holmatta, et temmäl middägi ei tohhi tettä. Ja kui kohto kassak käsko sai teddä törmä panda, sis sirrut temmä omma käed laijali, ja lõi kige jõuga wasto, ja kui kassokal appi minti, tõstis temmä omma käed ülles, ja lõi kohto mees Gustaw Tolmuskil wasto suud, ja prukse omma jöudo ja rammo kige törmä wijede wasto, ja om ka enne päkohtomees Jaan Holstingi kiwwigä kolus lubbano löwwä.

Ja essi errälde olli lärm ja kärrä, kige koon ollejede sean, wasto ammeti mehhi neide teotusses; Nink et se tülli ja wasto pandminne wasto sädüst awwalikkolt omma wõimusega rahwa sean ette olli wõeto Walla wannameba ja koggokonna kohtule wasto panda, ja mitme suggumisse teotusse sanno kulutedo, sis ei tohhi nüüd walla wannemb, ja walla kohhus enne middägi kässo täitmissele sundi, enne kui suremb kohhus, seddä tülli, wasto pandmist, ja teotamist om ärrä selletäno.

Kohtu Otsus Selle ülle om nüüd walla wannemb ja walla kohhus nõus wõtno, Sädõsse meeste ja Sädüsse kässo wasto pandja, tülli möstjad, kui rahwa mässämä pandjad wangi wisil keiserlikko Werromakohto ette saata Nink palleltas sääl neo wangid wasto wõtta, selle tülli selletämisse tarbis.

Selle perräst et keik se koon olleja rahwas mitte Sädüsse enge jõu ja wõimuse wisil wasto lubbasiwa panda.

Kui ette ärrä olli loeto,  sis üttel Mik Pärkson kohto peegli een, selle kirjä päle Amen.

Et neo perrmehhed küssimisse päle wangi wisil ei lähhä, ja törmä ka ei lähhä, sis palleltas, sis palleltas neid Keiserlikko Werromakohto ette kutsu.

Nüüd sel aastal om jubba teine körd säräne larm een.

Pä kohtomees Jaan Holsting

Kohtomees Jakob Türkson

Kohtomees Rein Lambing

Kohtomees Gustaw Tolmusk