Karraskij Koggokonna Kohhos Jusal sel 12 Augustil 1877

 Tulli ette lesk Marri Wähk temma Wöölmunder Tannil Kerner ja kaibas, et Soldan Hans Loodus wõtno temma poiga Jakop Wähk kaala pitti kinni ja lööno läwwe tulpa wasta, ni et kaala küllen sinnine arm om olno mes kohtomehhe Jakop Uibo nink Jaan Leppason ommawa ülle kaenowa. 

Sai ka ette kutsotus poisikenne Jakop Wähk nink kohto poolt küssitus mes perrast se assi om tulno, kes ütles Hanso poig Johann ollewa temmal liiwa silma wissano, nink minna ütli oda oda minna wiska sinnole ka, ni nakkas jooskma ja satte mahha nink nakkas kõwwste röökma, selle pääle tulno Hans Loodus ja käkkist minno nink leije läwwe tulpa wasta ilma süüta minna es putto temma poiga sukkogi. 

Kutsuti ette Hans Loodus sai üllewanne kaibus ette loetus kes selle pääle ütles Jakop Wähk tõugano temma poiga kiwwi pääle mahha Selle perrast wõttin minna tedda küll rindo pitti kinni ja ütli kae kui minna sinno ka ni mahha tõuka kas sull om hää lööno minna temmale küll ei olle

Otsus   Kohhos moistis kohtomeeste ülle kaemisse pääle et om kaal sinnine olno, too woip ka olla et Hans Loodus kui kaalast kinni wõttis üts wäikenne poisikenne kõwwa mehhe käen olles woino weel suremb hädda tolle läbbi tulla nink essi hendale kohto moistja om, massap Hans Loodus /1/ üts rubla waeste laati trahwi nink saiwa weel nomitus et eddespäidi mitte ennamb ni ei tohhiwa tetta

Sai kohto moistminne ja § 772 - 773 kohton kaiadelle ette loetus ja lätsiwa ilm sõnna lausomatta kohto tarrest wälja

                                                           (Alla kirri nago üllewalgi)