Teine kohhos sel sammal päiwal  Kohtomehhe ne samma. 

Tulli ette Adam Wähk ja kaibas et temma ei woiwat ennamb sukkugi Johann Rattussega ütten ellada, sest J. Rattus soimawat tedda egga päiwi adra ja sawwi kiwwi wargas ja ütles et minna ollewat Karrasky mõisa lubja ahju wanna müüride külljest kolm koormat sawwi kiwwe warrastanno nink noid kiwwe ööse ärra Warbusse walda Pallo tallo winot, kos ka moisa rentnik temma Johann Rattas kaibus pääle om wõtno Warbus kohtomeest ütten, ja ommawa sääl läbbi otsinowa enge ei olle middägi leidnowa ja nõudis omma trotsmisse eest 5 rubla andis ka tunnistusses et temma oige om Karraskij moisa rentnik Peter Koth ja Warbus perremees Peter Sõrrasar. 

Sai ette kutsotus Peter Sörrasar nink küssitus kas sull om kiwwe ja ütle kost sinna neid ollet saano tolle pääle ütles Peter Sörrasar minna ei tahha warrastedot kiwwe hendale minna saan muidogi omma koppika eest eggalt poolt 70 wastset kiwwi. Tõin minna David Möks käest Warbusse jamast tõin minna rieberattaste reddeli täis wanno kiwwäsit kui minno jutto ei tahhate ussuda sis woite perra küssida et minno jutt totte om. 

Kohhos jaije tõise kohto päiwa pääle selletada selle et Johann Rattas es olle kohto ette tulno. 

 Karrasky Kohtomajan sel 12 Augustil 1877.

                                                   Pääkohtomehhe assemel Johann Raig  XXX

                                                          Kohtomees                     Jakop Uibo  XXX

                                                 teine   do                               Jaan Leppason  XXX