Mõisawalitseja Samuel Rõigas kaibdus Joh. Teri ja Peeter Naaber wasto wõlskaibduse perast /№ 52/ olli täämba kohto ette tunnistajas tulnu Aadam Asi, kes tunnistas, kui temäle kaibdus ette sai loetu, et temä esä Kusta Asi ollew kõnelnu kui ta mõisast kodo tulnu, et mõisa walitseja käsknu herrä pallelda, et sis wast herra neile seemnes abis andwad rükki, aga seda ei ollew temä kuulu, et mõisa walitseja esi oles neile lubanu rükki anda.

Kui kohtun käüjil enamb midagi ütlemist es ole, ei ka tunnistajid üles andu, sis tegi kohus

Otsuses: Johan Teri, kui ka Peeter Naaber peawa kumbgi 2 öödpäiwa kogokonna türmin olema, selle et tema ilma asjata laimdust omma mõisawalitseja pääle tõstnu.

Kui kogokonna kohto otsus ja Sääduse §§ 773 ja 774 kohtun käüjile ette saiwa loetu, sis ütliwa Joh. Teri ja Peeter Naaber et nemä selle otsusega rahul ei ole ja palssiwa protokolli wälja, mis neile ka lubati.

Kohtun käüja omma ärä lepnu, mis läbi neile sis ka kohto poolt trahw om jättetu kõiki kohtun käüjite palwe pääle.

Pääkohtunik Joh. Pähn