Karrasky Koggokonna Kohhos Jusal sel 20 Augustil 1877

Tulli ette Mõtsawaht Jaan Uibo ja andis kohtole üllekullemissele ülles et Walge mõisast Johann Raig nink mõtsawaht Hendrik Tuhhand ollewa ülle kaemisse perra ülles andno et ne perrän nimmitedo ülles anto innemisse ollewa ilma perris herra teedmatta Pallomõtsast puid nink hakko saanowa, ja pallel et kohhos wõttas neid ülle kullelda kost ja kuida wiisi nemma ommawa saano kui nimmelt. 

Sai kohto poolt ette kutsotus Tiggasepetri Michel Wõsso nink sai üllewanne kaibus ette loetus kes selle pääle ütles, minna ei olle middäuud toono kui mes perrisherra om lubbano neid latwo ja osse mes mitte sulda panda es kõlba.  

2  Kutsoti ette Kokkeri Johann Peitli ja sai ni samma kaibus ette loetos kes selle pääle ütles minna ei olle muud middägi toono kui mes herra lubba om olno, mes sülda es kolba panda todda tõin koddo et Mõtsaallone puhtas saas. ja säält korjasi sissest wälja jämmedimpe hao sissest rehhe ahjo leuutusses, nink neid ei sa ka mitte ni paljo kui ülles om anto. muud ei olle minna middägi toono. 

3 Kutsoti ette Kokkeri Jaan Läwwi ja sai ülles andminne ette loetus, kes selle pääle ütles, minna ei olle moisamõtsast ütte ossagi koddo toono mes minnol kotton om, om mulle Juusa Essa ommast mõtsast, omma kooba lae puu ladwa ja ossa koddo tuwwa lubbano ja noid omma nemma ülles andno.

Kutsoti nink sai Juusa Jakop´il ülles andminne ette loetus, kes selle pääle ütles, et lubbato hao sissest ollewa jämmedimpi wälja korjano ja oomast mõtsast toodo kooba lae puudest jäije ka üllle neid raggosi katski nink pannin ütte kokko rehhe ahjo leuutusses, nüüd om suures wargoses arwatu, kos mitte sukkugi tõttet ei olle. 

5 Kutsoti ette lesk Ann Soldan sai ullewanne ülles andminne ette loetus, kes selle pääle ütles minna ei olle perrisherra mõtsast mitte ütte ossa toono mes minnol om, om kiik weel Serreste mõtsast minnewa aasta osteto ja toodo. 

6  Kutsoti ette Kakko David Lukkatz ja sai ülles andminne ette loetus, kes selle pääle ütles, minna ei olle perrisherra mõtsast mitte toono, mes minnol om, om kiik Kioma mõtsast toodo. Kui minno ei ussota sis wõin minna tunnistus tähte tuwwa.

7  Kutsoti ette Wija Jaan Mandli ja sai üllewanne ülles andminne ette loetus kes selle pääle ütles nood wanna ossa olle minna toono, ja omma nido puhhastanno noist ossest mes moisa raondust 1875 minno niedo sissen olliwa länno

8  Michel Sõõrd kutsoti ette ja sai ülles andminne ette loetus kes selle pääle ütles mes minnol om, om kiik Kioma mõtsa toodo kui ei ussota woin minna tunnistus kirja tuwwa kui tarbis 

9  Kutsoti ette Jaan Wisnupuu ja sai ülles andminne ette loetus kes selle pääle ütles omma perremehhe motsast om toodo, kui ei ussoto sis küssige temma henda käest. 

Et se üllesandminne ja kohto een läbbi kulleldo tõtte om tunnistawa omma nimme taade ristirõmbamissega

Karrasky Kohtomajan sel 20 augustil 1877

                                          Pääkohtomees  Jaan Tullos  XXX

                                             Kohtomees   Jakop Uibo  XXX

                                            teine   do       Jaan Leppason