Wallawanemb Jüri Kramp kaiwas, et Jaan Kuhi ollew kewade tedä pallelnu, et temä pääraha 7 Rbl. 45 kop. üle ütte tunnistuse tähe Sõreste wallawalitsusele annas, et temä siia pääraha ärä om masnu ja lubanu, sis sedä raha õige pea ärä massa. Temä andnu sis tunnistuse tähe et Jaan Kuhi oma pääraha ärä om masnu ja usknu Jaan Kuhja et see selle raha ärä massap. Tähe andnu temä weel nimelt Jaan Kuhi esä Joh. Kuhi kätte, kes ka lubanu selle eest hoolt kanda, et see pääraha mastus saas. Nüüd aga salgawat Jaan Kuhi ärä ja ütlewat, et temä wallawanembale selle raha ärä ollew masnu. Palles kog. kohut seda asja selletada ja pääraha salgajat trahwitada.

Jaan Kuhi ütles selle kaibduse pääle, et temä ei ollewgi pääraha wõlas jäänu, waid enne sedä kui temä tähe saanu, masnu temä pääraha 7 Rbl. 40 Kop. wallawanembale ärä. Nii ei ollew temä sis mitte pääraha wõlgo jäänu.

Magasi aida nukka man masnu pääraha ärä, kos kedagi man nägeman ei ole olnu. Pääraha masso tähe andnu wallawanemb temä esä kätte ja saatnu tedä kodo magasi aida wõtmide perrä.

Otsus: Kohto mõistmine jääs tõises kohto päiwas kui Johan Kuhi ka üle saap kulleldu.