Maksim Risikow kaibas kohto een, et temmä om 4 wakka keswi wino Wõbso Weski manno suurmis tettä 3 aastaiga aigo taggasi, Paap Kressi poig Jakob om neid keswi awwitano kiwwi kotti aiada ja sis om Maksim omma poia senna surmit jätno teggemä, ja kui Maksim õddago perrä om länno sis om 4 wakka keswist 1 wak surmit sanod, sis om Maksim kohtomees Paap Weski manno kutsno, ja sis om Maddisson hendä jobnos pandno ja ei olle keswi lasno otsi Kui Maksim ja Paap om otsnowa sis om leidnowa 1 1/2 wak keswi kätte mis Mölder Alexander Maddisson ärrä olli wõtno, sis Paap om ärrä länno poolpäiw ja Eespäiwäl om Maksim Polizei Jakobsoniga senna länno, ja sis om mölder Alexander Maddisson 5 Rubla lubbano massa ja sis ollewa ärrä lepnowa

Alexander Maddisson üttel et temmä ei olle keswi warrastano

Kohtomees Paap Kress üttel et nemmäd Weski koast lae päält om leidnowa neo keswäd.

Selle aegne politsei Jakobson tunnistas et Alexander Maddisson om sis sel körral lubbano 5 Rubla massa ja selle päle om ärrä lepnowa.

Alexander Maddissoni rahhast om 5 Rubla täembä Maximal ärrä masseto.