Karraskij Kogokonna Kohhos Jusal sel 3 Septembril 1877           

Tulli ette Peter Plado tütrik Leena Wäärso ja temma Wöölmunder Ado Plado, nink kaibas et temma ollewa Peter Plado manno teenistusse leppino ütte aasta pääle, palk ollo leppito 20 rubla rahha, 1 pund linno, 2 nakla willo ja üts rubla käe rahha nink selget rahha ollewa andno 19 rubla, ja Jürri päiwal om teenistusse algminne, nink saije ütstõistkummend nädalit tüllitsemissega ärra teenitus, sis ajas (ehk laskis) minno teenistussest obis ärra, nüüd palle minna kohhot, et kohhos minno anto selge rahha, ja mes säädüsse perrä minnol teenistussest wallale teggemisse eest tullep massa, Peter Pladot sundi, et temma minnol ärra massas. Tunnistada wõiwa Michel Wagga  Ado Plado ja Ado kasso tüttar Lieso Lats, ne omma kuldno kui temma minno om ärra ajano. 

Kutsoti ette Peter Plado, sai kaibus ette loetus kes selle pääle ütles, minnol olli Leena Wäärsuga minnewa aastatse perremehhe Jaan Mark´a palk leppito se om 20 rubla 2 nakla willo ja üts rubla käe rahha, ja temma Leena Wäärsu piddi kiik Maja töö mes naiste rahwas woip tettä, ilm wasta pannemata teggema, se ülles anto 19 rubla ei olle ni enge 20 rubla andis temma minno kätte hoita, kui temma enne Jurripäiwa Põlwa kaupmees Mulleri mann weel olli, kos temma jo aasta teenistusse poolele jättis, ja kui minna Wiera moisade lätsin sis saije se rahha minno kätte, ja om ka minno käen, ja ütles weel, egga mulle waja ei olle kui jõwwat sis annat taggasi kui minnol jälle waja om, ärra ei olle minna tedda mitte ajano, ent om essi ilma lubbata teenistussest ärra länno, sõnna ei olle sukkugi kuldnu, haina aigo kutsosin minna tedda nietma sinnä es tulle, enge ütles minnole 10 rubla pannet Marga palgale manno, sis lähha niitma, kui todda ei massa sis ei lähha ka mitte niitma nink es tullegi, sis ütli minna tõisel päiwal Leena minne küttist säädma sinnä es lahha ka mitte minna lätsi ärra omma töö manno nink temma Leena Wäärsu länno takkan ka ärra, nuud palle minna kohhot minnol tunnistajit ülles anda ei olle, temma tunnistajat ärra kullelda nink minnol kahjo tassomist säädusse perrä moista ehk tulgo taggasi teenima, omma leppito aig illusaste wälja 

Kutsoti ette tunnistaja Michel Wagga, kes küssimisse pääle ütles et Peter Plado ei olle Leena Wäärsul mitte sedda sõnna üttelno, et minne ärra, ent Petri naine Lieso ollewa kull üttelno kunnas sarätsest ristist kull wallale saat, muud ei olle minna küll kuuldno ei woi ka üttelda. 

Kutsoti ette tunnistuja Ado Plado kes kussimisse pääle ütles, minna ei olle Petri suust küll mitte ärra ajamisse sõnna kuuldno, ent temma naine küll todda tütriko keiges sõimano nink ärra ajano

Kutsuti ette tunnistuja Ado Plado Kassolats Lieso Luts kes Pääkolin weel käimata om, kes nida samma ütles kuulo ollewat kui Ado Plado om üttelno. 

Otsus  Kohhos mõistis tunnistusse perra, et Peter Plado kui perremees ei olle Leena Wäärsut mitte ärra aijano enge temma naise poolt om se pahhandus jo tütriko sõnna kuulmatta ollemisse perrast tulno nink et Leena Wärsu om omma õigussega teenistusse murdno, nink ei olle omma asja enne kohtole kuulotanno ja ärra länno, massap Leena Wäärsu Peter Pladol 5 rubla kahjotassomist ja kaotap omma 11 nädali tenistus, ehk mingo taggasi teenima

Sai kohto mõistminne ja § 772 n 773 kohton käiadelle ette loetus ent kumbki es ollewa rahhol et arwasiwa hendal liiga tetto ollewat, nink pallelsiwa Protokolli mes kohhos ka lubbas anda

Karrasky Kohtomajan sel 3dal Septembril 1877                                                    

Pääkohtomees Jaan Tullos  XXX

Kohtomees  Jaan Leppason  XXX

 abbi     do       Johann Raig  XXX

LS

Protokoll wälja anto sel 5 septembril 1877