Karrasky Koggokonna Kohhos Jusal sel 9 Septembril 1877 

Tulli ette Wija Hendrik tallo rentnik Jaan Mark ja kaibas et perrisomanik Jaan w.t.p. Praggi Praggi wallast ollewa temmale ülles üttelno, mes jo koggokonna kohhos mulle om ette luggeno, ja kuulotanno, et too maa mes pääl pool usaida nink minnol om suusõnnaga kaup tette, et ni kawwa kui minno Kontrakt kestap om too suusonnaga kaubeldo maa ka minno käen, nink sedda kaupa teggin minna Perri Wallawannemba Jaan Neumanniga, sest temma olli too eddimänne ostja nink minnoga kauba teggija, nink minna tahtse et olles üts kauba lehhekenne anto tolle pääle üttelno Jaan Neumann et meie suusõnna om ni samma hää kui olles suur Kontrakt tetto, nüüd om minnol weel üts aijastaig sääl Wija tallon Contrakti perra olla, ja ei tahha tood maad minna ka mitte enne temma lõppetust ärra anda, sest leppingo perra olle minna tood maad piddano, ja ei tunnegi Jaan Praggit tallo asjan, kui Jaan Neuumann peas omma leppingot ärra salgama sis woin min(n)a tunnistaget ülles anda ni paljo kui tarwis. 

Selletus jäije toise kohto päiwa selle et Jaan Neumann es olle kutsomisse pääle mitte tulno. 

                                                                                      (Allkirri nago üllewal)