Kohtu een kaibas Mõisa Wallitseja Gustav Pähn: Et Jaak Armulik olla Tille moisast rehhe mant kiik peenikese aggana Kundile ärra weenu, Nink Juhhan Terri om selle man tunnistaja. Nink palles kohhut sedda asja perra kullelda nink Jaak Armuliku trahwitada.

Jaak Armulik ette kutsuti, nink kaibus ette loeti, kes selle pääle wastutas: Et misperrast Juhhan Terri enne minno pääle es kaiba, kui minna temmaga tülli lätsi, sis kaibas temma weel minno pääle. Sest minna ei olle Tille Moisast sugguke agganit Kundile weenu.

Tunnistaja Juhhan Terri ette kutsuti, nink selle asja perrast küssiti, kes wastut: Et Jaak Armulik weije kiik Tatriku nink linnaseemne aggana kottega Tille Moisa rehhe mant Kundile ärra sissamma kui temma wilja weije. Nink minna es olles ka temma pääle mitte enne kaibanu, kui temma minno pääle es olles kaibanu et mul olla weidu sitta tettu.

Kui neil kellelkil selle asja perrast ennamb middage ütlemist es olle. 

Moistis kohhus

Juhhan Terri tunnistuse pääle: Et Jaak Armulik massap neide agganide weemise perrast 2 Rbl. trahwi. Üts Rubla sest rahhaost saap  walla waeste ladikehe, nink tõine Rubla moisale.