Jakob Norrusberg Jama külläst perrris perremees andis kohto een ülles ja kaibas wasto Kristjan Grigguli, et Kristjan Griggul om temmä röä kuhja ärrä lasno pallutada omma karjusel se röä kuhhi om suur olno 4 kormat kust 10 wakka rükkid wälja olles tulno, ja 100 leisikat õlgi, mis nüüd sutumas ärrä om pallano, nüüd nõuwap Jakob Kristjani käest, säräst samma röä kuhja assemale kui se temmä kuhhelik olli mis Kristjani karjus temmäl ärrä olli pallutano.

Kristjan Griggulson üttel, et eggä minna karjust es kässe röä kuhja pallama panda, et nemmäd olliwa mõllemaba sääl karjan Jakobi ja minno karjus.

Kristjan Griggulsoni karjus Marri Puksand 13 aastaiga wanna üttel, et temmä om koddost 2 tikko wõtno ja nurme pääl röä kuhja manno tulle ülles tenno kus 2 kukke maad wahhele om jänod, ja sis säält om tulli lännogi kuhja külgi, tulle ollewa temmä ni samma üles tenno.

Jakobi karjus Mina Norusberg üttel, et temmä om keelno ja üttelno, et ärrä tekko tuld ülles teise kottuse pääl ,agga perräst ei olle Minä nänno kui Marri teisele pole kuhja om länno ja tuld ülles tenno nink sis weel om Mina Norrusberg nänno kui jo röä kuhhi om pallano.

Eddimält ollewa Marri koddost tulle tarwis õlgi winud, agga neide õlgi külgi ei ollewa temmä mitte tuld tenno.

Kristjan Griggulson üttel, et wist 3 kig kormat ei olle Jakobi kuhhi suur olno.

Tunnistusse perräst jääs polele 27 Augustini