Kolmandalt Perrisherra kirja pääle sest 22dast Augustist s.a Saiwa Pääkohtomehhe J Tullos, kohtomees Jaan Leppason nink Mõtsawaht Hendrik Tuhhand ülle kaemisse all Pikka Jaan Mark usaija puu ülle kaeto, nink leiti wärskid puid üts Sülli ärra leigato, ja pool süld ehk olles neid saano mes haodega seggi olli, ent kolm Sülda olli wannu puid mes ka Pallo mõtsa puu olliwa, ent wannast saado. 

Sai sis Jaan Mark käest küssitus, kost ja kuida wiisi temma ne puu om saano, kes wälja ütles, Mõtsawahhi Jaan Uibo käest olle minna ostno, sest et herra poolt ollno se lubba temmale anto, ent perrisherra käest ehk lubbaga ei olle minna mitte utte sulda ostno, nink tännawo just sedda wiisi, kui nimmelt se Allamusti Pallo Kolga eest olle minna Mõtsawahhil massnu 4 sülle rahha se om 5 rubla ja teine 4 rubla temmal joogi tarbis, nink olli se Pallo Kolk kiik minno perralt, sai sis minna ni paljo puid ehk haggo kui maa saije sellega, sellega piddin minna rahho ollema, nink olle puu ja hago sinnä kokko pandno ni kui ülle kaeto ja leuto om, ent nüüd omma ne jämmedampa minno haggode sissest kiik wälja korjato nink minnol palja rotsiko perra jäänu ent kes neid om wälja korjano ja wiino sedda ei tija minna mitte üttelda, ent ärra kaono na ommawa. 

Sedda asja annap se sinnane Koggokonna Kohhos perrisherra otsosse käskmisse alla allandlikolt. 

                                                             (Alla kirri nago üllewal)