Täämbätsel ülewan nimitedu päiwal olli kog.kohus Jüri Ketze ette kutsnu ja nõudse temä käest perrä, kohes nee üleskirjotedu kraam om jäänu, mis mitte oksjooni ajal alale es ole ja nimelt: 2 lehmä, 1 wanger, 2 lauda, 1 saina kel kõigen kapiga, 1 pini ja üts kirwes ja hobune.

Jüri Ketz wastut selle kaibduse pääle, et temä ollew mõlemba lehmä ärä müünu, selleperast et temäl nälg om olnu ja raha midagi osta ei ollew olnu; wanger ollew õle küünist ärä warastedu, 2 wana lauda olnu, mis temä puuhädaga ollew ärä lahknu ja paa al ärä palotanu, saina kellä ollew  Tarto liina wiinu parandaja kätte ja lubas seda tagasi tuwa, pini ollew ära kadunu; kirwes ollew ärä kadunu ja hobene ollew nälga ärä koolnu.

Otsus: 

Jüri Ketz peap 3 x 24 tundi kogokonna türmin olema selleperast et temä ilma kog. kohto teedmata 2 lehmä ärä om müünu ja 2 lauda temä oma üteluse perrä ärä palotanu, niisama ka muu asja ärä lasknu warastada.

Kui kog. kohto otsus ja Sääduse §§ 773 ja 774 kohtun käüjile ette saiwa loetu, sis es ole Jüri Ketz selle otsusega rahul ja pallel oppuslehte wäljä, mis temäle ka antus sai.

Protokolli ärä kiri, sel 6 Märtsil K. V T. K.K. ärä saadetu.