Liiso Asi kaibdusen Kaarli Sibbul wasto, latse kaswatamise raha perast /№ 35/ olli täämba kohto ette tulnu 

Kaarli Sibbul, kes wastut selle kaibduse pääle, kui see temäle ette sai loetu, et temä ei teedwad sellest asjast midagi.

Liiso Asi /m.s. Peeter Leer/ ütel et temä kaibdus tõtte ollew ja muid ei ollew kedagi selle asja manu puttunu kui Kaarli Sibbul.

Kaarli Sibbul ütel perast et temä puttuwat kül selle asja sekkä ja muid ollew ka ja nimelt Woldemar Luik, kes üle emä Liiso Asi mano olles minno, selle man ollew tunnistaja: Joh. Asi, Kusta Asi ja Kusta Org. Tõine kõrd ollew W. Luik wõtnu Liiso Asja üska ja wiinu magause kambrehe, see olnu enne talwiste pühi; kolmas kõrd see olnu enne küünlapäiwa, maganu W. Luik Samuel Sibulaga maan, kuna W. Luik küsinu L. Asi käest, kas wõttat minno hendä mano ja Liiso Asi ütelnu: Tule!

Liiso Asi ütel weel, et Kaarli Sibbul ollew weel rohte toonu kate klaasiga ja käsknu sedä juwa, et sis lats saas ärä hukatus, tõise klaasi sisen olnu werrew rohi ja tõise klaasi sisen must rohi ja ütelnu Kaarli Sibbul temäle: Liso, ma palle hukka see lats ärä! Kui sa see roho ärä joot sis om 4 päiwa perast walmis kõik.

Temä pandnu selle asjale wasto, sis ütelnu K. Sibbul: Ela sis kuis sa esi tahat.

Otsus: Jääp tunnistust ootma.