Jaan Häidson kaibas kohto een wasto welle Josep Häidsoni, et temmä om andno welle Josepil omma wankre Tartus minda kui Josep Tartost taggasi om tulno om temmä ütte teise wanna wankre taggasi tonod, mis Josep om üttelno te päl wahhetano ja 20 Rubla päle sanod. Jaan üttel omma wankre 50 Rubla masno, ja nõuwap nüüd Josepi käest omma Wankert ehk 50 Rubla rahha taggasi.

Josep Häidson üttel küssimisse päle, et Jaan om temmäl katte wankred ärrä münod, 30 Rubla eest, ja neo wankred mis welli Jaan hendäl ütleb ollewa ja mis temmä ärrä om wahhetano Tarto tee pääl neo wankred ollewa ka majan tetto, ja ollewa ni hä kui Janil, ni temmäl ütte. Selle perräst et Jaan katted om ärrä münod ollewa temmä neo ütted ärrä wahhetano, kust 20 Rubla temmäl päle om sanod. Ja Jaan ollewa temmä hobbese wõtno neid ärrä wahhetada wankrid otsma mindä ja ollewa 3 päiwä ärrä olno tö aig temmä hobbesega, ja päle selle ollewa hobbese jalla wiggases aiano ni et ennämb tööd ei wõi tettä, selle eest nõuwap Josep 5 Rubla

Jaan üttel et Josep ollewa aasta enne ka temmä hobbesega Tartus kainod.

Kristjan Pedoski tunnistusse perräst jääs polele 3 Septembrini.