Neljas kohhos sel sammal päiwal  Kohtomehhe ne samma.

Tulli ette Ehamarro kõrtsimees Peter Dulder ja kaibas et Peter Teiler ollewa temmale, joba liggi wiis ajastaiga 2 R 50 kats rubla wiiskümmend kop wõlgo, kon sissen ka üts rubla selget rahha minna temmale ollen andno, nink 1 R 50 kop tubako ja muu kaubaga om korjono.

Sai ette kutsotus Peter Teiler nink üllewanne kaibus ette loetus kes selle pääle ütles, wanna wõlga om minno teedmisse perra 175 kop, nink Janipabo aida töö aigu wõtsin kats korteri wiina wastsest manno, too teep ütte kokko 1 Rubla 95 kop ennamb minna ei tija wõlgo ollewat, nink pallel hendaga kannatada et se kõrd mitte rahha massa ei olle, Peter Dulder käskis käe meest wõtta, Peter Teiler pallel R. Grünbergi et Käemehhes löös selle et ka Aida töö Grünbergi mann poolele om jäije temma Peter Teiler eest 2 Rubla 50 kop eest käemehhes, et kui tööga walmis saap küll sis tassa arwawa

                                 Karrasky Kohtomajan sel 18mal nowembril 1877

                                                    Pääkohtomees Jaan Tullos 

                                                    Kohtomees Jakop Uibo

                                              abbi           do   Johann Raig