Wõbsost Jula Kärtman kaibas kohto een, et Wõbson Kalla Teppani poig Likander om 3 näddälid aigo taggasi pühhä päiw wasto Eespäiwä osi neide läwwe manno länno ja om usse päle kopputano, ja om üttelno Pabol üttelno et lasse perrenaine sijä tulla, sis kui Jula senna om länno om Likander üttelno et lasse teddä sissi ehk lasse lasko Jula omma tüttär wäljä mindä ja om üttelno et ma massan 5 ehk 6 Rubla muud kui lasse tüttär Marri wäljä tulla, sis om Jula jälle ärrä sängi länno ja om üttelno et oda homminguni, sis om Likander neide Akna alla länno sis om maja perrenaise Katril üttelno et lasse Marri wälja tulla, ja kui wäljän kõnne ja käimisse helli mahha ei olle jänud, sis om Jula jälle maast ülles tulno ja om üttelno mis teije tahhate sis om wanna mees Paap Kärtmann länno ja om Likanderi käest küssino mis sa otsid sis Likander om üttelno, et minna tahhan Fritzi manno mindä sis wanna mees om Likandri Särgi silust kindi wõtno ja om üttelno et lähme, sis om Likander Paap Kärtmanni Rinnust kindi wõtno, ja om Ulitse päle Winud, kui Jula Fritzi appi om länno kutsma sis om Likander ärrä länno, ja Likandrel om ka üks teine seltsimees ütten olno.

Likander Poschlin üttel, et temmä om länno Adolph Kimmeli käskmisse päle tüttärt Marri käino wäljä kutsma ja ollewa enne körda 25 käino Maksimi majan Marri wäljä kutsman ja Marri ollewa ka issi teddä käskno kutsu, selle perräst ollewa temmä ösi senna länno agga tülli ei ollewa sääl middägi olno ja rahha ei ollewa Likander ka mitte lubbano massa Marril ei ollewa ka sääl majaman kellegil rahha lubbano massa.

Tunnistusse perräst jääs polele.