Räppinä moisa wallitsusse polest kaibati kohto een wasto, Karl Listmani poiga Wido, kroppo sanno ja wasto pandmisse perräst Wido kartowlid korjano wallitseja om käskno kartowled puhtas ärrä korjada, agga et puhtas korjato ei olle olno teise poisiga ja neo ülle kaeja om üttelno et Widol middägi ei tohhi üttelda, sis wallitseja om taggast kukrust kindi wõtno ja om üttelno et kuis sinna sure mehhel ni wasto panned, sis perräst om pois Wido üttelno et kui temmä weel tulleb sis ma wõttan kiwwi ja löön pahhe, ja om ka üttelno et wallitseja olles temmä suust ninnäst ja teise poisi kalast werd wäljä kiskno.

Wido Listman Karli poig üttel et temmä ninnäst om werd wäljä tulno ja temmä ei olle wallitseja päle kiwwigä üttelno wissata.

Jürri Hämmer tunnistas nänno et Widol ei olle mitte werd wäljä tulno ja et wallitseja om kala päält teddä engi rapputano.

Peter Perrikow teine poiss üttel et temmäl om weidikesse werd kala päält wäljän om olno,

Jürri Hämmär üttel ka et temmä ei olle mitte nänno werd Peter Perrikowi kala pääl. Peter Perrikow üttel wallitseja ei ollewa temmäl mitte haiget tenno.

Kohhus mõistis, et Karl Listmani poig Wido 6 witsa lögigä ja Peter Perrikow 5 Witsa lögigä Wõlsmisse eest trahwitus peawa sama.