Räppinä walla wannemba polest kaibati kohto een et Nicolai Sabbalson kes jubba 24 aastaiga wanna om ja weel seni päiwäni mitte üks koppik pärahha Walla ei Krono masso ei olle masnod, nüüd palleltas walla Wannemba polest Nocolai Sabbalsoni karristada ja masso wäljä nõuda.

Nicolai Sabbalson üttel küssimisse päle et Preester om üttelno et enne ei olle tarwis massa kui 25 aastaiga wannas saad

Nicolai Sabbalson olli Kahkwa wallan Kolla nimme al elläno ni et Räppinäl keddägi es tea kus temmä olli, 4 aastaiga aigo taggasi sai temmäst tedä.

Kohhus mõistis et Nicolai Sabbalson täembä 15 witsa lögigä karristedas saap, ja näddäli perräst peab katte aasta parahha ärrä toma, ja kui ei tu saap jälle 15net witsa lögigä karristedos ja ni eddesi.

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Rein Lambing

Kohtomees Gustaw Tolmusk

Kirjutaja J. Jaanson <allkiri>