Alexander Parw kui wolitetu herrä von Gaffron asemik kaiwas, et Tille möldre Gustav Rattman ollew oma poisi saatnu Tille herrä von Gaffroni niitu haina niitma. Herra von Gaffron ollew möldre poisi esi haina niitmast kätte saanu õdago perast päiwa minekit. Pääkohtumees ollew seda asja üle kaenu. Nõudse kahjotasomist 5 Rbl.

Otto Bode /m.s. Gustav Ruttmann/  kutsuti kohto ette, kes aga mitte Eesti, ei ka Saksa keelt es mõista, muud kui ütsinda Läti keelt, kelleperäst sis seesama midagi kohto een wastutada es wõi.

Gustav Rottmann wastut selle kaibduse pääle, et temä mitte ei ollew käsknu poisil minna herrä von Goffron niitu, waid esi oma niitu, pois aga ollew esi lännü kül herrä von Goffron niitu ja toonu haina ka ärä herr von Goffron käsu pääle.

Pääkohtomees Joh. Pähn tunnist, et temä ollew kül üle kaenu ja arwas selle kahjo wäärt 1 Rbl.

Otsus:

Otto Bode massap 1 Rbl. herrä von Goffronile haino eest ja 2 Rbl. waeste laadikede trahwi selle eest, et temä tõise haina maa pääle om lännu haina niitma.

Kui kogokonna kohto otsus ja Sääduse §§  773 ja 774 kohtun käüjile ette saiwa loetu, sis olliwa mõlemba kohtun käüja selle otsusega rahul.