Maddis Ritland Jama külläst kaibas kohto een et temmä om naisega tulno Petseri ladult 1 Oktobril öddago hammärägä Orrawi moisa körtsi manno, ja issi om körtsi sissi länno ja naine Ann om wäljä wankre päle jänud, ja sis ollewa Kahkwa mees Josep Urgand katte hobbesega sõitno ja ollewa Maddise naise Anne wankre päle aiano ja ollewa naise Anne kige wankrega ümber aiano.

Naine Ann üttel essi, et temmä om päpäle mahha länno ja omma pä ni ärrä lönod ni et temmä perräst haiges om jänod, ja nüüd samma hääst käest haige peab ollema.

Ja naine Ann ollewa ka ärrä heitino, 32 koppik eest ollewa rohto ostno parrandamisse tarbis, Tohtre tähte ei olle kui sur se haige om.

Josep Urgand Kahkwalt üttel, et temmä, om sõitno pimmegä ei olle nänno ja ollewa ka helli tenno, agga middägi ei olle een kulu ja ei tea kuis koggematta neide wankre päle om ajano.

Wido Jagond tunnistas, et temmä ei olle mitte nänno Wankre ümber ajamist, enge om kulu kui körtsimees om üttelno et hobbese om josnowa ja om naise kige wankrega ümber ajano naine alla ja wanker päle ja täk ollewa ülle wankre josno ja kui nemmäd wäljä om lännowa om naine Wankrel istno ja oiano.

Gustaw Kress tunnistas: et temmä middägi ei tea sest asjast temmä om olno kõrtsin.

Wido Jagond üttel et neil hobbesil ei olle raudo suun olno.

Maddis Ritsland nöuwap 30 Rubla omma naise haigasse ja ümber aiamisse eest.

Kaibaja ja kaiwataw om wasttamissi 4 Rubla päle ärrä lepno, Rahha om masseto.