Hindrik Punman rendi perremees Orrawi Resnält kaibas kohto een et temmä om 70 Rubla Jaan Norruskil lainano mis Jaan Norrusk weel mitte ärrä ei olle masno.

Jaan Norrusk üttel küssimisse päle, et temmä wõllas mitte koppikud ei olle wõtno, enge et Hindrik om temmägä lepno maa kontrahti eest massa 75 Rubla, selle perräst et Jaan Hindriko eest majast ärrä om länno, seddä rahha om Hindrik Janil masno 70 Rubla 1873 kewwädi

Wido Konswik Meeksist tunnistas et neil om enne olno Janiga leppito 75 Rubla Kontrahti eest Janil massa, ja nemmäd ei olle selle perräst seddä maad sanod, et Hindrik wahhele om lönod, ha Hindrik om neide kaupa Jaan Norruski een ärrä rikno, agga kui paljo Hindrik Janil massa om lubbano, seddä Wido ei tea.

Gustaw Pumak Sillepä monamees tunnistas et temmä Jaan Konswikki leppingo mann om kül olno agga Hindriko leppingoman ei olle temmä mitte olno.

Mõllemba tunnistajad arwawa et Hindrik ka rahha eest ommale seddä maad om Jani käest sanod

Fritz Konsap tunnistas, et Nutte Jaan Konswik om enne 60 Rubla pakno Jaan Norruskil, agga Hindrik Punman om pakno 75 Rubla lubbano Jaan Norruskil selle eest et Jaan Norrusk majast ärrä lähhäb ja Hindrik majasse perremehhes Jani assemale saap.

Kohhus mõistis, et se 70 Rubla Jaan Norruskile jääp mis Hindrik om andno ja Hindrik Punmann peab weel se 5 Rubla Jaan Norruskil perrä ärrä masma mis weel masmatta om, 5 Nowembril 1873 peab masseto ollema.

§773 om ette loeto.

Hindrikl Punman pallel prottokoli.