Johanna Saksand kaibas kohto een wasto Pedo Jagomanni et Pedo Jagoman om Kurreküllän Peter Jagomanni mant wõi majast Wido Konsapi maija temmä pole käino maggama temmä manno pea eggäs ösi, ja süggisid wasto om eggä ösi käinud ja om temmägä elläno, ja se ütten elläminne om allustano enne Märdi päiwä 1872 aastal, ja selle perräst ollewa Johanna Pedoga hendä ni kokko andno et Pedo om teddä ärrä lubbano wõtta, Agga nüüd 3 kuud taggasi ollewa Johannal poig sanod, ja nüüd ei pea Pedo teddä ärrä wõtma, ja ei pea ka lapse ülles piddämisses middägi andma. Ja sest sadik kui Pedo Johanna mann ollewa hakkano käimä ei ollewa temmä Johannal middägi masno, muud kui ütsindä ärrä om lubbano wõtta.

Nüüd nõuwap Johanna henda rikmisse ja lapse ülles piddämisses 200 Rubla Pedo käest.

Pedo Jagoman üttel küssimisse päle, et, kui temmä om sanud sis om temmägä masno, ja temmä ollewa ka rohkemb wõi kallimb masno kui muialt linnan om 30 kop masno agga temmäl om Rubla masno 3 körd ollewa temmä Johannamann käino ja ollewa eggä körd 1 Rubla masno. Ja teisi ollewa ka Johannamann käino

1 Wido Kirrutson

2 Peter Tüngson

Johanna andis ülles et Pedo Jagoman ollewa teddä last käskno ärrä hukkata.

Tunnistuste perräst jääs polele.

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Rein Lambing

Kohtomees Kristjan Rusand