Teiselt. Tulli ette moisa mõtsawaht Hindrik Tuhhand ja kaibas, et Hurmist omma olnu sel 8al juni´l s.a. moisa wastsen keeletu Asso raendun 4. haina poimjat, kui nimmelt, Maie Rahha ülles om andnu, 1, Jürri tüttar, Liiso, ja 2ne poig Jaan Assi 3, Mai Assi, nink 4, Mai Rahha essi, ja nõüdis 1. rubla eggaütte kaest, ehk poimja päält.  

Saiwa ette kutsutus, kui nimmelt, Jürri poig, Jaan Assi (wöörmünder Michel Sõõrd) Liiso Assi es olle tulnu, Mai Assi,(wöörmünder Michel Kerner) nink Mai Rahha assemel olli temma mees, Hindrik Rahha, ja sai kaibus ette loetus, kes ka es salgawa, ent ütliwa henda küll süüdlasse ollewat

Otsus   Kohhus moistis, selle et omma julgenu, wõõra moisa piiri sisse tulla, ja päälegi kõwwaste keeltu raendu sisse, massap eggaüts süüdlane, 50 kop. kinni wõtmisse, ja 25. kop. kahju tassumisse trahwi moisale, teep eggaütte päält 75. kop. nink ülle kiige kokko tullep massa 3. rubla, mes 8. päiwa sissen peap ärra massetu ollema, ent Jürri Assi, jääp teise kohto päiwa pääle, selle perrast , et temma olli saatnu omma weikenne 12 aastane poig, katte est, ent kohhus es wõtta tedda wasta, ehk kui tahhap seddasamma trahwi rahha mes teisegi massawa ärra massa, sis jääp assi kindmas ja ei prugi kohto pääle ennamb tulla. 

                                                  (Allkirri)