Neljandalt,  tuli ette Karrasky Karjamoisa rentnik Johan Raig, ja kaibas, et Saarwa Tallo sullase 1.ne Johan Ussin, ja 2.ne Johan Uibo, nink Ewerdi Tallo Sullase 1ne Jaan Illo, ja 2ne Jaan Uibo lännuwa Öse arwata kella 11.ne aigo temma Aida lae pääle ülles, kos temma poija magganuwa, ja wõtnuwa sääl tikkuga tuld ülles, ja ütles weel, kui pea ei olles woinu Ösetsel ajal, Moisal, ja minnol suur kahju sündida, nink tahtnuwa weel sääl tülli nakkata teggema, ja Aija puudega ümbre käima, kui ennegi wasta wõtmine olles ollnu, sedda asja woip selgembide minno poig Jaan tunnistada, ent tikkuga tulle ülles wõtja olnu Saarwa Sullane Johan Ussin, nink pallel kohhut sedda asja perra kullelda, ja süüallutsit kohto karristusse alla tõmbata. 

Kutsuti ette Saarwa 1.ne Sullane Johan Ussin, sai kaibus ette loetus kes selle pääle ütles, et minno kübbar olli ärra wõetu, kui minna kõrtsi kambren magasi, nink Johan Uibo wälja ütlemisse perra, ollewa Johan´i poig, Michel Raig minno kübbara ärra wõtnu, ja minna lätsi perremehhe lubbaga omma kübbarat otsma, nink ollime õige sõbra mehhe, ja küsse Jaan Raig käest lubba Pibu päle tuld ülles wõtta, kus Jaan essi ka lubba andis, pipu pallama panda, ja minna wõtti kül Aida pääl tuld ülles, sis lätsime mahha, ja minna nakasi omma kübbarat küssima Michel Raig käest, kes ärra salgas, et temma ei ollewat wotnu, selle pääle tulli Jaan Raig ka mahha, ja wõttis aija puu nink kopputas Johan Uibo´l olla pääle, selle pääle wõttis Jaan Uibo ka aija Roodli, selle ütlemissega, ni pea kui Jaan, Johan´ile lõp, sis löö minna ka Jaan´ile. 

Kutsuti ette Saarwa 2.ne Sullane Johan Uibo, ja sai kaibus ette loetus, kes selle päle ütles, minna latsi selle pääle Johan Ussin´aga ütten, et minna õige selgest näije kui Michel Raig tulli kõrtsi kambre kos Johan Ussin maggasi, ja wõttis temma temma kübbara nink toije ette kõrtsi, ja palle kohhut selle eest, mis perrast Jaan Raig, minno om rindo wasta löönu.  (Minna lätsi ka perremehhe lubbaga).

Kutsuti ette Ewerdi 1.ne Sullane Jaan Illo, sis kaibus ette loetus, ja küssitus mes asja perrast temma om sinna lännu, kes selle päle ütles, minna lätsi kuhwti reiwast Jaan Raig käest otsma, ent es sa middagi, ja Saarwa poisi tulliwa meije poole nink kutsiwa ütten, selle sai minna sinna sekka. 

Kutsuti ette Ewerdi, 2.ne Sullane Jaan Uibo, sai kaibus ette loetus, ja küssitus, mes asja perrast temma om sinna lännu, kes selle pääle ütles, et Saarwa sullase tulliwa meije poole, ja kutsiwa ütten, sis lätsi mina ka, sest et Johan Ussin üttel minna ei moista sinna minna, ja ütles weel, minna wõtti penni kaitsa Roodli kätte. 

Kutsuti ette Johan´i poig Michel Raig, sai kübbara perrast küssitus kas temma om Johan Ussin´a kübbarat wõtnu Kõrtsi kambren, ja toonu ette kõrtsi, kui Johan Ussin maganu, ni kui Johan Uibo tunnistas, kes selle pääle ütles, kui Johan Uibo nägi et minna Johan Ussin´a Kübbara wõtti mes perrast temma minno säälsamman kinni es wõtta, ehk lasknu kohto läbbi selges tetta, ärra tulnu mitte öse otsma - minna ei olle kellegi kübbarat wõtnu, ei ka nännu, ja ütles weel, too om teiste poiste, minno kiusaminne. 

Kutsuti ette tunnistusse andja, Johan´i poig Jaan Raig, kes küssimisse pääle wälja ütles, et Saarwa sullase, Johan Ussin ja Johan Uibo, ni kui ka Ewerdi sullase Jaan Illo ja Jaan Uibo tulnuwa öse, kui nemma magganuwa neide Aida pöningo pääle ülles, ja kui temma Jaan Raig, ülles wirgunu, olnu tulli temma pähhitsen, mes Johan Ussin ollewa omma ütlemisse perra ülles wõtnu, sis kutsnuwa temma welle Micheli aida päält mahha, ja Johan Ussin nakkas minno welle käest omma kübbarat nõuudma, sis lätsi minna ka perra mahha, ja ütli Johan Uibo´l, kas sinna woit tõttes tetta, et Michel om Johan Ussin´a kübbara wõtnu.

sis üttel Johan Uibo minno wasta, ei woi mitte, ent minno welle Micheli wasta ütles jälle, et woiwat küll tõttes tetta, et Michel kübbara wõtja om. Sis nakkas lärm suurembas minnema, nink Jaan Uibo wõttis aija päält Roodli hendal kätte, ja Jaan Illo´l olli jälle weits käen, woip olla, kui meije olles nakkanu neile wasta ajama, sis olles omman Majan suur kakkelus tulnu, ent meije lätsime ülles aida pääle jälle taggasi maggama, ja nemma wist lätsiwa ka ärra. 

Sai ka Saarwa Perremehhe Jaan Leppason´i käest küssitus, kas temma om lubba andnu ommil sullastel, kes selle pääle ütles, temma ollewa sullase küll lubbanu, aga mitte halwa teggude pääle. 

Otsus Kohhus moistis, selle et wõõrast tunnistust, ei woi koskilt ette saada, Johan Ussin´a omma wälja ütlemisse perra, nink et Ösene ümber hulkuminne - kõrgemba, kui allamba kohto poolt kangeste om ärra keeletu, päälegi kus tulle, ja aijapuudega nakkawa jo Moisa hoonede mööda ümber käima, ja tülli teggema, saawa eggaüts 20. kibbedat Witsa lööki, ehk massawa eggaüts, kui nimmelt, Johan Ussin, Johan Uibo, Jaan  Illo, ja Jaan Uibo 4. rubla waeste Laati trahwi mes 8sa päiwa sissen peap ärra massetu ollema. 

Sai kohtomoistminne ja § 772 n. 773. kohtunkaüjatelle ette loetus, ent Johan Ussin, Johan Uibo, Jaan Illo, ja Jaan Uibo es ollewa sellega rahhul, et arwasiwa hendal liiga tettu ollewat, nink pallelsiwa Protokolli, mes kohhus es lubba anda. 

                                                                   (Allkirri)