Adam Häidson kaibas kohto een, et Michel Griggul om teddä ähwärdäno ja om lubbano 25 Rubla eest 6 laengoga pistoli osta ja sis om lubbano Adam Häidsoni sellegä mahha laske. Se ähwärdaminne om olno Radama kõrtsimant, koddo minnen tee pääl 5 näddälid taggasi sis kui nemmäd Räppinä walla kohtomann om olnowa.

Michel Griggul üttel küssimisse päle et, temmä om üttelno et temmä soetab ka püstoli kui Adamil püss om, ja se ütleminne om tulno selle läbbi et Adam Häidson om lubbano temmä poiga mahha laske Kauksist porimäele minnen.

Kohtomees Kristjan Rusand tunnistas kulu kui nemmäd püssi päle om kaklema länno ja Michel om Adamil üttelno et kuis kurrat sa tohtsid püssi ütten wõtta, ja sa tahhid mo poiga ärrä tappa püssigä Adam om wasto üttelno et eggä ma sinno poie perräst püssi ütten es wõtta ma wõttin Ö aial seltsimehhes püssi ütten.

Sis om Michel üttelno Adamil, et kui sinnul om püss sis minna soetan ka kas wõi 25 Rublalisse pistoli.

Kohhus mõistis nüüd seddä kaibust tühjäs. Ja kui weel säräst asja ette peas tullema et üts teist ähwärdäp sis saap kangeste trahwitus.