Tulli ette Karraski moisa perrisherra ja andis nüdsetse praego ollewa Karraski mõisa rentniko Peter Koth ülles et eentullewal Jürripäiwal ta peap ärra minnema kui mitte perrisherra nõudmisse perra ei tahha eddesi pitta Kui wastne kontrakt saap tettus, ja ei mitte ni kui se aasta mes Peter Koth H. Sirachi Contrakti pääl mes minna olle lubbano Sirachil tõisele ärra anda nink kiik ne wastse nõudmisse ja punkti saawa ette loetus ja peap P. Koth 4 nädali aja seen

Tõiselt andis ka Ehamarro kõrtsimehhe Peter Dulderil ülles et kui eentullewal aastal tahhap weel kõrtsi eddesi pitta sis saap kuwwe aasta Kontrakt tettus nink massap üts sadda rubla renti rohkemp se om ülle kige kolm sadda wiiskümmend egga aasta renti nink peap Peter Dulder 4 nädali sissen perrisherrale teedmist andma kas tahhap eddesi pitta woi mitte. 

Kolmandalt andis ka perrisherra Üllejõe rentnikel nida wiesi ülles et sawa wastse kontrakti tettos nink kige alla peawa henda heitma mes Kontrakt kässep kui tahhawa omme platse eddesi pitta nink nimmelt Jaan Raig Jaan Raig (wanna) Peter Likker nink Peter Wargen.

Neljandalt andis perisherra Kördi ja Laari tallo rentnikel ülles et saawa wastse kontrakti tettos nink peawa kige sundimisse alla henda heitma ni kui kontrakt kässep mes perrisherrast saap tettus, nink kui ei tahha sis peap 4 nädali aja seen perrisherrale teedmist andma ne omma nimmelt Hendrik Tuhhand Jaak Mäggi Michel Messi Johann Kanzler Jaan Mehhine nink perrisherra ütles weel et Kandimehhil saap ka ossa tükki panneki eest hinda pääle pantus.