Kolmandalt     Tulli ette Leesmitti Miina Seeme lesja Wöölmünder assemnik Adam Raig Karraskist, selle lesja Miina Seeme Wöölmünder Johann Karrask kaibusse pääle sest 15 julist s.a  № 28 mes siin poolele jäije, ja kaibas et Serriste moisa kandimees Karel Ärmann ollewa lesja Miina Seeme mõtsast 57 puud kiik ennambast kõiwo, mahha raggono ja henda linnale aijas noid puid ärra prukkino ja nõudis tolle Mõtsa raggomisse eest 38 R 75 kop. Kolmkümmend kattesa rubla seitsekümmend wiis kop M Seeme hääs.

Sai kohto ette kutsutus Karel Ärmann ja üllewanne kaibus ja nõudminne ette loetus, kes selle pääle ütles minna ei olle mitte üts kirwe täus säält raggono, enge mes joba talwel mahha raoto olli noid korjassin minna küll kokko ja teggin omma linnale aida ümbre, et karri kahjo ei sa tettä, ent minna essi mitte üts ainokenne puu mahha raggono ei olle. 

Otsus  Karraski koggokonna kohto üllekaemisse pääle om tõtte et 57 puud om raoto, ja teep läbbistikko 2 1/2 tolli egga puu wälja, se om ütte kokko 142 1/2 tolli; mõistis kohhos et Karel Ärmann massap egga tolli päält 7 kop se teep wälja 9 Rubla 97 1/2 kop mes kattesa päiwa aja seen peap ärra masseto ollema, sest wõip jo arwo saada et mitte keaki muu es lähha noid puid mahha raggoma kui Karel Ärmann essi, sest kui üts tõine neid olles raggono too olles ka warsti neid ärra wieno, ja mitte neid Karel Ärmann aija tarbis sinna mõtsa mahha jätno. Selle perrast saie ka Karel Ärmannil se mõtsa raggomisse trahw wähhandedos et temmal ka wistist too mõtsa piir teedmada om olno, sest ta om tedda Serristo mõtsas wist piddano, kui temma olles tahtno warrastada egga sis ta noid puid es olles sinna aija tarbis prukno. 

Sai kohto  Otsus ja § 772 ja 773 kohton kaiadelle ette loetus ent es ollewa kumbgi rahho pallelsiwa mõllemba Protokolli mes kohhos ka lubbas anda. 

LS. Protokoll sel 5 august 1877 walja anto

       Karraski Kohtomajan sel 29 julil 1877

                       Pääkohtomees Jaan Tullos  XXX

                       Kohtomees  Jakop Uibo  XXX

                ne     do       Jaan Leppason  XXX