Joh. Moistus kaiwas, et temä moonamehe naine Mari Tarend ollew temä wasto egä kõrd grob, sõimawat tedä ja pandwad ega kõrd temä käskele wasto; lubawad hendä ärä puwwa ja käskwat ka mehel ärä puwwa ja andwad muile rahwale ega kõrd halwa nõuwo. Pallel kog. kohut Mari Tarendid selle eest trahwitada ja keelda, et M. Tarend enamb ei tohi nii olla.

Mari Tarend /m.s. Jaan Tagel/ wastut selle kaibduse pääle, et temä ei ollew konagi larmitsenu, muud kui temä ollew kül lubanu henda ütskõrd hendä ärä puwwa.

Joh. Moistus pallel kog. kohut, et Mihkli ja Mari Tarend temä mant jala päält wallale mõistetus saas, selleperast et Mihkli ja Mari Tarend temä sõnna ei kuulwat.

Otsus: Mihkli Tarend tõises kohto päiwas kohto ette kutsu ja asi üle kullelda.