Alexander Parw kui wolitedu herrä von Goffroni asemik kaiwas, et kiwitegija wenelane Timofei Grigoriew ollew oma hobese herrä von Goffroni niidu pääle pannu, kost nee sama röä orastele lännu ja sääl üte wäheruse tennu. Pääkohtomees Joh. Pähn ollew selle kahjo üle kaenu.
Wenelane Grigori Timofejev wastut selle kaibduse pääle et temä ei ollew mitte kottun olnu ja ei teedwad mitte kost temä hobene kinni wõetu. Kui hobene kinni wõetu sis lännu temä, kui kodu tullu õkwa hobesele perrä; herrä von Goffron ei ollew mitte hobest kätte andnu, tõistkõrd lännu jälle perrä ja paknu 1 Rbl.kinniwõtmise eest, herrä von Goffron ei ollew mitte hobest kätte andnu, enne kui temä kohtomehe toonu, kes hobese lasknu kätte anda; Hobene olnu 1 päiw ilmaasjata herrä von Goffroni pool kinni, misläbi temäl 8 inemist päiw aigo ilma tööta om pidanu olema ja arwas mis temä selle läbi kahjo saanu 10 Rbl. wäärt, et temä ollew selle päiwaga wõinu 2400 telliskiwwi ärä tettä.
Pääkohtomees Joh. Pähn tunnist, et temä om röa kahjo üle kaenu ja löüdnu see wäherdus wana om olnu ja mitte sel päiwäl röü pääl wäherdedu, nii ei mõistwat temä midagi kahju tasomist arwata, selleperast et midagi kahjo ei ollew tettu.
Otsus: Kiwiwenelane Grigori Timofeiew peap 1 Rbl. hobese kinniwõtmise trahwi masma, kahjotasomist ei ole aga temäl midagi herrä von Goffronile massa pääkohtomehe tunnistuse perrä.
Grigori Timofei wõip oma kahju tasumise nõudmise perast herrä von Goffroni pääle Keisrl. Tarto Kreiskohtun kaiwata, selleperast et kog.kohtul herrä von Goffroni pääle mõistmise õigust ei ole.
Kui kogokonna kohto otsus ja Sääduse §§ 773 ja 774 kohtun käüjile ette saiwa loetu, sis olliwa kohtun käüja mõlemba selle otsusega rahul.
Alexander Parw kui wolitedu herrä von Goffroni asemik kaiwas, et kiwitegija wenelane Timofei Grigoriew ollew oma hobese herrä von Goffroni niidu pääle pannu, kost nee sama röä orastele lännu ja sääl üte wäheruse tennu. Pääkohtomees Joh. Pähn ollew selle kahjo üle kaenu.
Wenelane Grigori Timofejev wastut selle kaibduse pääle et temä ei ollew mitte kottun olnu ja ei teedwad mitte kost temä hobene kinni wõetu. Kui hobene kinni wõetu sis lännu temä, kui kodu tullu õkwa hobesele perrä; herrä von Goffron ei ollew mitte hobest kätte andnu, tõistkõrd lännu jälle perrä ja paknu 1 Rbl.kinniwõtmise eest, herrä von Goffron ei ollew mitte hobest kätte andnu, enne kui temä kohtomehe toonu, kes hobese lasknu kätte anda; Hobene olnu 1 päiw ilmaasjata herrä von Goffroni pool kinni, misläbi temäl 8 inemist päiw aigo ilma tööta om pidanu olema ja arwas mis temä selle läbi kahjo saanu 10 Rbl. wäärt, et temä ollew selle päiwaga wõinu 2400 telliskiwwi ärä tettä.
Pääkohtomees Joh. Pähn tunnist, et temä om röa kahjo üle kaenu ja löüdnu see wäherdus wana om olnu ja mitte sel päiwäl röü pääl wäherdedu, nii ei mõistwat temä midagi kahju tasomist arwata, selleperast et midagi kahjo ei ollew tettu.
Otsus: Kiwiwenelane Grigori Timofeiew peap 1 Rbl. hobese kinniwõtmise trahwi masma, kahjotasomist ei ole aga temäl midagi herrä von Goffronile massa pääkohtomehe tunnistuse perrä.
Grigori Timofei wõip oma kahju tasumise nõudmise perast herrä von Goffroni pääle Keisrl. Tarto Kreiskohtun kaiwata, selleperast et kog.kohtul herrä von Goffroni pääle mõistmise õigust ei ole.
Kui kogokonna kohto otsus ja Sääduse §§ 773 ja 774 kohtun käüjile ette saiwa loetu, sis olliwa kohtun käüja mõlemba selle otsusega rahul.
