Neljas kohhos sel sammal päiwal  

Tulli ette wallawannemb Michel Wõsso ja kaibas et sullane Jaan Kebja om minnewa pühhapäiwa õdango Johann Mandli käest käerahha wõtno, nink kaup ärra tenno, kauplemisse aega küssino wallawannemb Jaan Kebja käest obis hään jutton kas ollet sinna ka omma wanna perremehhe Mõtsawaht Hendrik Tuhhand ülles üttelno, tolle pääle üttelno Jaan Kebja mes kurradi keeldja sinna mull weel ei olle, ei olle toost Wallawannemba juttust middägi tähhele pandno nüüd wõtno wallawannemb waiwas ja nõudno temma wanna perremehhe käest perra kas om Jaan Kebja sulle ka nimmitanno et tahhap sinno mant ärra minnä kes ei olle toost weel middägi teedno, et temma sullane Jaan Kebja temma mant taht ärra minnä

Sai ette kutsotus Jaan Kebja nink wallawannemba kaibus ette loetus kes tolle pääle middägi es moista üttelda sest et ta süüdlanne olli enge ütles ni et temma ei olle mitte teedno, 

Otsus   Kohhos mõistis et Jaan Kebja om ülle keelo kaup ärra tenno, ja ei olle wallawannemba keeldo kuulno, saap Jaan Kebja /10/ kümme witsa lööki nink et Johann Mandli ka ülle keelo om käerahha andno, kaotap Johann Mandli Jaan Kebjale anto käe rahha nink kaup jääp katski, ehk üttelgo ommale wanna perremehhele ülles et tahhap ärra minnä, sis wõiwa jälle kaup Johann Mandliga tetta kui tahtwa.

Sai kohto Otsus ja § 772 nink 773 kohton käiadelle ette loetus ent Johann Mandli es olle rahho pallel Protokolli mes kohhos ka lubbas anda.

Ent Jaan Kebja sai warsti pääle Otsusse kuulotamist ärra trahwitus. 

                          Karraskij Kohtomajan sel 2 detsember 77

                                                    Päämees Jaan Tullos

                                                  Kohtomees Jakop Uibo

                                           tõine      do      Jaan Leppasoon