Tõiselt tulliwa ette Kannepi oppetaja herra kirjaga sest 24 septembrist s.a. Karraskij walla liige Jaan Uibo nink Krootusse liige Jaan Illo nink kaibasiwa Johani poig Michel Raig pääle et temma ollewat neid, oppetaja herra een Anne Kansleri´ga hoora tööd tenno näggewat, ja ütliwa weel et nüüd temma suure wõlsmisse perrast ei wõtta oppetaja meid mitte enne armo lawale konni assi siin kohto een ei olle selletedo, et sis temma tood peäp tõttes teggema, et meie sis toost asjast ütskord Otsust saame, nüüd om joba kolmas kõrd et meie siin kohton olleme nink Mihkli Raig ei olle ka tämba siin mitte nätta Oppetaja herra kirri sai sõnnast sõnna selle Protokolli ramatusse ülles kirjoteduos, kos nida olli.

Danieli poig Jaan Uibo om minno pallelno, Karraskij Koggokonna Kohtole selle ülle tunnistust anda, et Johani poig Michel Raig mulle om üttelno, temmäl ollew wäega selgeste teeda, et Jaan Uibo ja Jaan Illo ollewat mõllemba Petri tütre Ann Kansleriga hoora tööd tenno, Sedda tunnistust peä minna tõtte mööda andma, sest et Michel Raig mulle om kinnitanno, ta woiwat selle asja ülle selget tunnistust anda. Kui Jaan Uibo selle Mihkli Raig tunnistusse perräst taht kohton kaiwata sis palle minna kohhot, sedda asja kullelda, et tõisele, kas teggijale wai wõlsjalle häbbi, ja kui mõistetas, trahwi wois saada

                                                       (Allkirri)

Otsus et Johani poig Michel Raig kolme kõrra kutsomisse pääle kohto ette es olle tulno nink tälle ka kohto mehhe läbbi om kõwwa käsk antus saano, et peäp omma asja selletamma enne kui weel ärra minnek tullep sest temma sai Keiserlikko Wäe teenistusse Kommissionin wasta woetut, agga egga kohtopäiw kottust olli ärra länno, ei tija mitte kohhe, sis moistis kohhos et Michel Raig täwweste se süüdlanne ja wõlsja om olno, ja Jaan Uibo ni samma ka Jaan Illo wistist saawa õige ollema, sest kui Michel Raig olles tunnistano et temmäl  õigus olles ollno, egga ta sis es olles pakko länno, enge olles weel enne ärra minnekit omma kaibust tõttes tenno, selle perräst jäije temma trahwimatta, et küll trahwi wärt olli, et temma soldatis warsti piddi ärra minnema, nink temmale pääle panto trahw kätte saamata olles jääno kos tolle läbbi nööri ramat zurgitus olles saano. 

Sai kohto  Otsus ja § 772-773 kohton kaiadelle ette loetus ja lätsiwa rahon wälja. 

                       Karraskij Kohtomajan sel 16 detsembril 1877

                                                                                 Päämees Jaan Tullos

                                                                                Kohtomees Jakop Uibo

                                                                                           do     Jaan Leppason

Protokolli ärra kirri sel 21sel märz 78

wälja kirjotet