Karraskij Kogokonna Kohhos Jusal sel 30 detsembril 1877

Tulli ette Jaan Mark ja kaibas et Kähri walla mehhe Ado Juhkamsoon nink Jakop Troon, ollewa temma puid moisa mõtsa werest 2 süld ärra warrastannowa, nink omma moisa pallo mõtsawahhi Jaan Uibo´ga jälgi perrä otsma lännowa nink ei olle kohtomeest kotton löud-nowa, sis wõtnowa üttes wõeras tunnistajas Kähri meest Jaan Raig ütten hendäga ja löudnowa Ado Juhkamsooni käest puu ärra, ja et salgaminne ennamb ei olle wõimalik ollno, sis tunnistanno essi ärra, et temma mitte ütsindi too süüdlanne ei olle, enge om temmaga ka ütten Jakop Troon noid puid warrastanno, kos Jakop Troon too päämees ollno, ja tedda ütten ollewat kutsno, nink Jaan Mark ütles weel, et Ado Juhkamsooniga ollen minna ärra lepno, temma om mulle ütte sülle rahha ärra masno ja lubbas todda tõttes tettä, et Jakop Troon mulle tõise sülle eest peäp ärra massma, ja tahtnowa ka Jakop Trooni minnä läbbi otsma, sis üttelno Jaan Raig, mes sinnä massap minnä, puu otsmisse kärra om wäljan, ja minna saatsin omma poisi sinnä, Jakop Trooni poole, et puu eest ärra kassiwa, todda kuulis ka mõtsawaht Jaan Uibo, minna nõwwan omma puie eest /10/ kümme rubla kahjotassomist

Kutsoti ette Ado Juhkamsoon sai üllewanne kaibus ette loetus, kes kiik ütles õige ollewat, ni kui temma joba ütskõrd ollewat üttelno, minna lätsi Jaan Mark puu sülle manno, nink Jakop Troon tulli ka sinnä, temmaga olli ütten Ado poig Johann Seeba, minna pannin henda hobbeselle 5 pakko puid pääle, ja sõitsin rutto puu jälle mant ärra, paljo Jakop Troon Johann Seeba´ga pääle panniwa ei tija minna üttelda, tühjalt nemma iks ärra es tulle, nüüd ollen minna Jaan Mark´ga ärra lepno ja temmale 7 rubla masno

Kutsoti ette Jakop Troon sai Jaan Mark kaibus ja seltsimehhe Ado Juhkamsooni tunnistus ette loetus, kes toost asjast es ütle middägi teedwat, sest temma tulno too kõrd Kährist, Allamustin kõrtsin ollowa küll koon, ja olli ka õige pool purjun ja lätsi tühjalt koddo, todda woip Johann Seeba tunnistada kes minnoga ütten konni tee kände pääle rattaste pääl iste, Mark´ga puu wargosest ei tija ni kui ommast surmast middägi üttelda, ei olle minna ka Ado Juhkamssoni kutsno ei ka üttegi kurja nõwwo andno. -

Sai ette kutsotus Johann Seeba nink kohto poolt küssitus paljo puid nemma Jakop Trooniga omma pääle pandnowa sest Ado Juhkam-

soon om sedda jo tunnistanno, et teie puu sülle mann ollete olno, tolle pääle ütles Johann Seeba, minna ei olle üttegi puu sülle manno, omma jalga wieno, ei tija ka toost middägi üttelda, ei olle ka Jakop Trooni nänno puid warrastawat, Jakop sõitse tühjalt koddo, ja wõtse minno ka pääle, konni tee kände pääle, sis lätsin minna omma koodo poole ja Jakop Troon sõitse ka tühjalt om(m)a koddo, Ado Juhkamsoon om sedda wõlsno. -

Sai ette kutsotus Jaan Raig, kes puude otsmisse aiga ütten om ollno, sai Jaan Mark kaibus ette loetus kes küll kiik muu ütles õige olle-

wat, ennegi et temma om(m)a poisi Jakop Trooni poole om saatno, et puu ärra peäwa peetma, ei olle mitte õige, todda temma ei ollewat mitte üttelno. -

Kutsoti kohto ette mõtsawaht Jaan Uibo kes wälja ütles, kui meie Jaan Markiga puid jälgi pitte otseme sis wõttime ka Jaan Raig üttes wõeras wahhemehhes ütten, kui meie Ado Juhkamsooni käest puu kätte saime sis tunnist Ado Juhkamsoon illosaste ärra, et temma mitte ütsinda tolle asjale süüdlanne ei ollewat, enge ka Jakop Troon, sis tahtsemme meie ka Jakop Trooni tallole minnä, ja tedda ka läbbi otsi, tolle pääle üttelno Jaan Raig sinnä ei massa teil ennamb minnä, maa saatsin omma poisi jo sinnä kässoga, et nemma puu eest ärra peawa kassima, sest et puu otsja omma wäljan, ja Raig üttelno ka weel et tem(m)a ollewa nänno kui Jakop Trooni poole om puiega minto. -

Otsus  Kohhos moistis et Ado Juhkamsoon om illosaste ärra tunnistanno, ja ka Jaan Mark´ga ärra lepno, jääp leppingo perrä priis, ent Jakop Troon massap Jaan Mark´ale /5/ wiis rubla puude eest kahjotassomist, nink /2/ kats rubla walla waeste laati trahwi, sest ütte õige pääle es olles Ado Juhkamsoon mitte julgono tunnistada, ni samma ka mõtsawahhi  Jaan Uibo tunnistusse pääle et Jaan Raig om üttelno, et om nänno kui sinnä Jakop Trooni poole om puudega minto, ni samma ka omma poisi kässoga om ette saatno, Johann See-

ba tunnistust es sa selle perrast mitte wasta woetos, et essi ka om sääl abbin ollno

Sai kohto Otsus ja § 772-773 kohton kaiadelle ette loetus, ent Jakop Troon es olle selle perrast mitte rahho, et temma mitte süüd-

lanne ei olle, ja Ado Juhkamsoon temma pääle ollewat wõlsno, pallel Protokolli mes kohhos ka lubbas anda.- 

                    LS                                            (Allkirri)

Protokoll sel 5 januaril wälja anto ni sam(m)a ka oppos kirri