№ 81

Kaibas perremees Mihkel Rattasep, et tema kaubelnu Karl Rõigas sullases 20 Aprilist 1890 kuni 15 Nowember 189, palka om selle aija est kaubeltu 55 rubl ja 1 rubl om käeraha antu. Palkast om Karl Rõigas 1 rubl wälja sanu. Se Karl Rõigas om 1 Julil s.a ilma põhjata tenistusest ärra läinut. Mihkel Rattasep nõudis kaubeltu asta palk Karl Rõigase käest.

Mihkel Rattassep /allkiri/

Karl Rõigas, kes praegu Kabina mõisan ellab, wastutas selle päle, et Mihkel Rattasepa kaibus palka ja kauba perrast õige om ja selle et perremes tema tööga rahul ei olle ollnu enge ollewat teda aukutanu ja sõimanu selleperrast lännu tema tenistusest ärra ja es luba ka enamb tenistussi tagasi minna, ei ka asta palka massa.

Karl Rõigas /allkiri/

Mihkel Rattasep wastutas selle päle, et tema Karl Rõigast töö perrast konnagi haugutanu ei ka sõimanu ei olle enge om töga rahul ollnu ja et Karl Rõigas essi Märt Oessule kõnelnu om, et temaga konnagi midagi ütlemist ei olle ollnu ja et tema, Rõigas, selleperrast ärra lähab et teine sullane ka ärra lähab, konas sis teda hobuset wahtima pandno.

Mihkel Rattassep /allkiri/

Karl Rõigas andis küsimise päle üles, et temal selle jures tunistajat ei olle kui perremees temaga om nurrisenu.

Karl Rõigas /allkiri/

Selle päle said nemma ärra lepima sunitu ent lepitus es süni neide wahel.

Mõistetu: et Karl Rõigas tallurahwa seaduse ramatu § 383 perra sest 1860 astast sadu käeraha 1 rubl ja kaubeltu palk 55 rubl 14 päiwa sehen Mihkel Rattasepale peab massma, selle et Karl Rõigas ilma põhjata tenistusest ärra om läinut.

Se mõistus sai kulutedo.

Karl Rõigas /allkiri/   Mihkel Rattassep /allkiri/

Päkohtumees:  Jaan Wirro XXX

Kohtumees:   Jaan Pruks /allkiri/

"  Jakob Saks /allkiri/