Jaan Warri Tosikatzi koolmeister kaibas kohto een, et temmä om hendäle sullases palgano 7 näddälid aigo taggasi Jakob Kerowi ja nüüd peab se wastsest palgano sullane Jakob Kerow 1 Rubla käerahha taggasi pakma, mis palkamisse aig om anto, ja ei pea ennämb sullases tahtma minda koolmeister Jaan Warri manno, aggä Jaan Warril ei ollewa mitte nüüd wõimalik sullast wallale laske selle perräst et nüüd ennämb teist sullast ei pea sama.

Jakob Kerow sullane üttel et temmäl ei pea ollema mitte wõimalik mindä selle perräst et Essä om ärrä kolo ja Emmä ei pea ütsindä mitte läbbi sama. Emmä ja Peter ommawa kodda politse. Jakob üttel et temmä mitte muile kellegile ei ollewa palgano.

Koolmeister lubbas weel 12 päiwä aigo sullasel aastas anda Emmä kaeda.

palk peab ollema leppito 35 Rubla aasta eest ja perremehhe rõiwas söök ja perremees massap ka pärahha.

Kohhus mõistis, et Koolmeister Jaan Warri peab sullase Jakob Kerowil läbbi aasta eggä näddäli 1 päiw aigo andma Emmäl tettä, ja sis jääp sullase palk perremehhel ülle aasta 30 Rubla massa, päiwä eest om 5 Rubla mahha arwato.

§773 om ette kulutedo

Jakob Kerow pallel prottokoli