Räppinä moisa wallitsusse polest kaibato kohto een neide wäljä länno Raigla perremeeste päle kes 1872 aasta säält ärrä om lännowa et nemmäd ollewa ni paljo rükki mahha küllinu kui neil wakko ramato perrä küllidä olli. Nink nimmelt.

Karl Kiudowil om 2 wakka ja 1 koppi alla wähhämb külweto olno

Jaan Konswik 3 wakka ja 1 1/2 Koppi alla om wahhäb olno külweto

Josep Maks ja Jaan Pabuskil om 2 wakka ja 1 Koppi alla wahhämb olno rükku külweto

Paap Kressil 2 wakka ja 1 Kuppi alla om wähhämb külweto olno.

Peep Narruskil om 3 wakka 1 1/2 kappi alla wähhämb olno külweto

Kristjan Konswik 2 wakka ja 1 kappi alla om rükki wähhämb külweto olno

Jakob Raudberg ja Wido Kiutsonil om 2 wakka ja 1 Kappi alla rükki wähhämb olno külweto

Kristjan Kiudorw 2 wakka ja 1 ütte kappi alla om rükki wähhämb olno külweto

Ja nüüd nõuwap Herrä eggä wakka alluste eest 3 wakka rükki massetus sada neide perremeeste käest

Herrä kässo päle om se nurm kus sis perremeestel kartowle om olnowa om Herrä käskno röäd tettä, agga perremehhed om wasto üttelno et neil saap täwweste ollema röä maad, agga nüüd om maa mõõtja ülle mõõtno ja om pudus leito. Selle perräst nõuwap Herr nüüd neo pudusse röäd massetus sada.

Keik perremehhed wastutiwa ütte wisi et Herr om neide käest maa ärrä wõtno ja saisma pandno, et kui Herr neile 6 aastaja saaki selle saiswa maa eest ärrä massap, sis nemmäd massawad ka herräle neid rükki ärrä.

Kohhus mõistis, et neo Raigla perremehhed peawa eggä üts ütte seemne selle pudusse röä eest taggasi masma Herräle mis pudus om arwato nurmel wakka allase perrä.

§773 om ette kulutedo

Kaibaja ja kaiwatawa pallusiwa prottokoli

Raigla meistel om Appellation wäljä anto.