Räppinä Saksa mõtsa Essänd Rosenfeld kaibas kohto een, et Räppinä moisa Kalsa kasso mötsan Meeksi piri weren peab ollema kahjo tetto ja elläjäst ärrä södeto, sis selle päle ollewa mõtsa Essand mõtsawahhil käsko andno terräwäst perrä kaeda kes sääl seddä kurja teep sis ollewa mõtsa waht Tomas nänno 16 elläjäd sääl nore mõtsa pääl ollewad, ja sis ollewa mötsa waht säält 16 elläjämant 4 Lehmä kindi wõtno ja moisahe tonod, mis Meeksi mötsawahhi Peter Limaski karjast kindi om wõeto, kust neo elläjäd kindi om woeto ollewa seddä mõtsa sääl ärrä södo 2 wakka alla puhtas ärrä södo, ja polest sadik södo 13 wakka alla.

Selle kahjo tassomisses nõuwap mõtsa wallitsus koggoni ärrä södo 2 wakkama eest 4 Rubla ja polele ärrä södo wakkama eest 1 Rubla Kokko 17 Rubla, ja päle selle pantmisse rahha sadusse perrä eggä elläjä päält 1 Rubla ülle kige kokko 33 Rubla.

Üllekaeman om käino kohtomees Writz Konsap moisa ja mõtsa wallitsus ja om leito õige ollewad.

Selle elläjä moisa ajamisses palgatu abbil mis Tomas Zupsberg om palgano abbis massap 2 Rubla mis ka südlässe käest nõwwetas.

Peter Liming Meeksist üttel et neo ei ollewa mitte temmä elläjäd olno mis Räppinä moisan kindi om olno, mis temmä karja mant ärrä ollewa paggeno. Neo ollewa Tilga, ja Nahha kõrtsimehhe elläjäd olno mis temmä pool hoida om olno mis kindi om aeto, ja ülle pä ollewa karjan elläjäs olno 12 tükki,

Mõtsawaht Tomas Zupsberg tunnist et 16 elläjäd ollewa roistikko pääl olno.

Ülle kaemisse perräst jääs polele.