Räppinä Jama moisa wallitseja Jaan Hörmann kaibas kohto een, et Räppinä Seppa poisid ollewa ösi tulnu ülle Jama nurme nukka ja ollewa länno Jama moisa manno mõtsa sissi, sis om Jaan perrä kaeno et mis innimissed neo ommawa waist ehk wargad ommawa, sis ollewa neo poisid ülle ristk haina mona lauda manno lännowa ja laudamant ollewa tarremanno lännowa üts om aknamanno ja teine pu süllemanno neide manno länno ja sis ollewa urrusse ussemanno ärrä paggema jooksma hakkanowa, josmisse päält ollewa Jaan teist poissi kindi wõtno ja särki pandis wõtno.

Nüüd peab perris herrä polest ollema se nõudminne neile poissielle witsa trahwi.

Seppä pois Gustaw Musting ja Johann Mäll ütliwä et nemmäd ollewa asja perräst õddago walgega sääl käinowa, ja ollewa Lena Argi pole tahtno minda, selle perräst ollewa senna lännowa kellä 10 aig õddago.

Jaan Hörmann üttel kellä 12 aig olno ösi

Kohhus mõistis, et Gustaw Musting ja Johann Mäll peawa selle käimisse eest trahwitus sama kes wõtno 10 witsa lööki ehk masko 2 Rubla kumbagi waeste ladikus

25 Junil peab masseto ollema.