Keiserliku kihelkonna kohtu käsu pääle saije Jaan Oja wasta kaibus Serreste moisa walitsussel ette wõetus ja selletetus.

Serreste  mõisa walitsuse poolt oli Gusta Hääl ette tulnu ja näütas moisa Herrä kirja kos oli, et mõisa walitsuse poolt om seesama wana kaibus põhi enegi haina ma pidi ka kontrahti perrä puhastetama, aga et sedä ei ole tettü, sis nõwab mõisa walitsus 10 rubla wakka maa eest, 8 wakka maad om, mes 80 rubla enetuse Summa koku tullep.

Jaan Oja wastutab et temäl ei olewad mitte leppitu hainamaad hoopis puhtas tettä, enegi  et temä suurembas ei lase kaswa, kui oli. Sedä ütles ka tennü olewad; ei ole ka näütetu mes temä pidi puhastama.

See wana protokoll 22 Septbr 1875  № 100, keda moisa walitsus põhjas nimitab saije Kusta Hääl ja Jaan Oja ette loetus, kelle wasta midagi enämb neil ütlemist es ole.

Otsus: 

Kogokonna kohus mõistab wana protokolli niisama kui om mõistetu, aga haina maa puhastamise eest et Jaan Ojale näütetu ei ole mes temä pidi puhastama, ei ole Jaan Ojal midagi tasoda enämb mõisale, 

Otsus kuuluteti §  773 ja 774 T.S. ram. Mõlemba aniwa selsamal kõrral ülles et nemä otsusega rahul ei ole.

Pääkohtomees Andres Nikopensius

kohtomees Peter Nemwalz

do: Johann Nikopensius

do: Jaan Leib