Mõtzawaht Peeb Kroon kaibas sisse et Mihkel Kolga om teddä mõtza wargas tenno, et Peeb Kroon ollewa Wanna Anzmoisa rahwale moisa mõtza müüno, nink Peeb Kroon nouwab omma ammetiau rikkumise est 100 Rb kahju tassomist. Wanna pä kohtomees Mihkel Kolga ütleb et Wannast Anzmoisast Tinno Isak Käck ja Zimme Jaan Zimmer ollewa Mihkel Kolgale könnelno et mõtzawaht Peeb Kroon ollewa Wanna Anzmoisa Lanna küllä meestel laskno warguse wisil Wabina moisa mõtzast puid ödango ajal koddo wija, seddä könnelemist ollewa kuulno Jaan Achmann ja Hindrik Kolga.

Isak Käck ja Jaan Zimmer Wannast Anzmoisast ütlewä et nemmä Kolga´le üttegi mõtza wargusest könnelno ei olle nink ei tija ka middagi üttelda kas Peeb Kroon om müüno ehk mitte.

Jaan Achmann ütleb et temmä Isak Käcki ja Jaan Zimmeri jutto ei olle kuulno mötza warguse perräst Mihkel Kolga´ga kõnnelewat.

Moistetud sai

Mihkel Kolga peäb omma tühja jutto teggemise perräst Peeb Krooni pääle, 3 rubla 2 nädda sissen waeste ladikohe trahwi massma.

Se moistmise otsus sai möllembile kohto käijile ette loetus ja selletetus et kes selle moistmisega rahhu ei tahha olla peäb 8 päiwa sissen Ütte Keiserliko  7. Tarto Kihhelkonna Kohto sisse kaibama muido kaob kaibuse öigus.

Päkohtomees Peep Kerge

Kohtomees Jaan Wenzli xxx

- do Mihkel Jeret xxx

Kirjotaja W. Ackel