Säitsmes kohhos sel sammal päiwal  

Sai kohto ette kutsotus ärra koolno Johanni lesk Ello Lukkatz nink wöölmünder Adam Lukkatz temma mehhe perrä jääno warrandusse perrast lüssitus, kes küssimisse pääle wastas nink ütles, mes warrandus wõip üttel kodapoolikol ennamb olla katstõistkumme ajastaiga om joba mööda  Kui meie wannemba poiga Adami kätte maja sai ärra antus, ja tõine noremb poig David kui täwwe ealisses sai piddi Adam kigest seemne wilgast ellajdest nink muud tallo kraami mes eale olli kiik pooles ärra andma, too olli joba sis ni ärra tetto kui wannemba poija Adami kätte maja sai antus, nink egga üts tütter kui mehhele saiwa, ommawa omma osso jao saanowa ni et eggaüts peap tollega rahho ollema mes keaki om joudno saija, päälegi wanna essa es tee kellegi latsele ülle kohhot, sest temma ütles kui temma weel ellon olli, Jummal om mulle ello päiwi kinkno et ka perramätse tütre Anne pulme näen nink ka tolle omma jowwo pitte wõin temma ossa jakko essi ärra anda, sis ei olle perrän minno surma kellegil ülle minno kaibamist. 

Lesk Ello Lukkatz ütles selget rahha mahha jääno ollewat 37/ kolmkümmend säitse rubla ja üts lehm todda rahha es kässe minno kadono mees kellegille anda ja ütles se rahha jääp sulle, kos wõit hädda ajal wõtta kui sull tarbis lat

Sai kohto ette kutsotus kige wannemb tütter Marri Siewas tem(m)a wöölmünder omma mees Tannil Siewas sai kohto küssiminne nink emma kõnne ette loetus, kes kiik ütles oige ollewat nink omma ossa jaoga rahhol olli

Toiselt kutsoti ette tolle järgmänne poig Adam Lukkatz kes ka ni samma ütles, ja wäega rahho olli om(m)a ossa jaoga

Kolmandalt kutsoti ette tütter Lieso Tõnno Krootussest temma wöölmünder Tannil Kärner sest et temma mees es olle essi ütten tulno, sai kiik ette loetus kes ka rahho olli

Neljandalt kutsoti ette poig David Lukkatz kellel ka middägi ütlemist es olle

Wiegendalt kutsoti ette kige noremb tütter Ann kes haigosse perräst es olle wõino tulla, enge omma meest Jakop Mustmann Kiomast olli saatno henda eest kell ka middägi ütlemist es olle. 

Wöömündres saiwa wallitus poig Adam Lukkatz poig David Lukkatz nink Michel Raig  Wiimselt sai kohto poolt kigide kuulden weel ette loetus nink lätsiwa rahhon wälja

                                                     Karraskij Kohtomajan sel 10 februaril 1878

                                                                                             Pääkohtomees J. Tullos  XXX

                                                                                             Kohtomees J. Uibo  XXX

                                                                                             toine     do     J. Leppason  XXX